ﺭﻭﻫ ﻣﺎﻛﺎﻧﺴﯩﺰﻟﯩﻘﻘﺎ ﺋﯩﮕﻪ، ﯰ ﺑﯩﺮ ﻳﻪﺭﺩﻩ ﺟﯩﻢ ﺗﯘﺭﻣﺎﻳﺪﯗ، ﯰ ﯲﺯﯨﻨﯩﯔ ﯲﺗﻤﯜﺷﯩﻨﻰ ﻛﯚﺭﻩﻟﻪﻳﺪﯗ، ﻫﺎﺯﯨﺮﻏﺎ ﺳﯧﻨﻰ ﺟﻪﺭﻳﺎﻥ ﻗﯩﻠﯩﺪﯗ، ﻛﻪﻟﮕﯜﺳﯩﻨﻰ ﻛﯚﺭﯨﺪﯗ، ﯞﯗﺟﯘﺩﯗﯓ ﻳﯚﺗﻜﻪﻟﮕﻪﻧﺪﻩﻙ ﻗﯩﻠﯩﺪﯗ، ﻟﯧﻜﯩﻦ ﻫﻪﻗﯩﻘﯩﻲ ﻫﻪﺭﯨﻜﻪﺗﻠﯩﻨﯩﺪﯨﻐﯩﻨﻰ ﻳﻪﻧﯩﻼ ﺭﻭﻫﯩﯔ. ﺭﻭﻫﯩﯔ ﯞﯗﺟﯘﺩﯗﯕﻨﯩﯔ ﻣﻪﻟﯘﻡ ﺑﯩﺮ ﻳﯧﺮﯨﺪﻩ ﯬﻣﻪﺱ، ﺑﻪﻟﻜﻰ ﻫﻪﻣﻤﻪ ﻳﯧﺮﯨﺪﻩ. ﺭﻭﻫ ﻛﯚﺯﺩﻩ، ﻳﯜﺯﺩﻩ، ﻗﯘﻻﻗﺘﺎ… ﯬﻣﻪﺱ، ﯰ ﺗﯩﺮﻧﺎﻕ ﯰﭼﯩﻠﯩﺮﯨﯖﯩﻐﯩﭽﻪ ﻫﻪﻣﻤﻪ ﻳﻪﺭﺩﻩ… ﺷﯘﻧﯩﯖﺪﻩﻙ، ﯪﻟﻼﻫ ﯪﻟﻪﻣﻨﯩﯔ ﻫﻪﻣﻤﻪ ﻳﯧﺮﯨﺪﻩ… ﯰ ﻫﻪﻣﻤﯩﻨﻰ ﻗﺎﭘﻼﻳﺪﯗ، ﯰﻧﯩﯔ ﭼﻪﻛﺴﯩﺰ ﻗﯘﺩﺭﯨﺘﯩﮕﻪ، ﻫﯧﻜﻤﯩﺘﯩﮕﻪ ﺑﯘ ﭼﻪﻛﻠﯩﻚ ﻛﺎﻟﻠﯩﺪﯨﻜﻰ ﯬﻗﯩﻞ ﻳﯧﺘﯩﭗ ﺑﻮﻻﻟﻤﺎﻳﺪﯗ…

ﻗﺎﭼﺎﻥ ﺑﻮﻟﻐﺎﻧﻠﯩﻘﻰ ﻳﺎﺩﯨﻤﺪﺍ ﻳﻮﻕ. ﺭﻭﻫﯩﻢ ﺷﯘ ﻳﻪﺭﮔﻪ ﻳﯧﺘﯩﭗ ﺑﺎﺭﺩﻯ. ﺑﯘ ﺑﯩﺮ ﻏﯘﯞﺍ ﯬﺳﻠﯩﻤﻪ ..
ﺑﯩﺮ ﺩﯦﻬﻘﺎﻧﻨﯩﯔ ﯪﺩﺩﯨﻲ ﻣﯧﻬﻤﺎﻧﺨﺎﻧﺎ ﯲﻳﯩﺪﻩ، ﯴﭺ ﺟﯘﭖ ﯬﺭ-ﺧﻮﺗﯘﻧﻨﯩﯔ ﯪﺭﯨﺴﯩﺪﺍ ﯮﻟﺘﯘﺭﯨﻤﻪﻥ، ﺋﯩﺰﺯﻩﺗﻠﯩﻚ ﻣﯧﻬﻤﺎﻧﻤﻪﻥ. ﺷﯩﺮﻩﻡ ﺗﯘﻏﻘﯩﻨﯩﻤﯩﺰﻧﯩﯔ ﺑﺎﻟﯩﺴﻰ ﺗﻮﺧﺘﻰ ﭘﯩﻴﺎﻟﯩﻨﻰ ﻗﻮﻟﯩﻐﺎ ﯪﻟﺪﻯ:
__ … ﻳﯩﻐﯩﻠﯩﭗ ﻗﺎﻟﺪﯗﻕ. ﻗﻪﻳﺴﻪﺭﺟﺎﻥ ﯬﺗﻪ-ﯲﮔﯜﻥ ﺑﯧﻴﺠﯩﯖﻐﺎ ﻣﺎﯕﯩﺪﯨﻜﻪﻥ. ﯰﻛﺎﻡ ﺩﯦﺴﻪﻣﻤﯘ ﺑﻮﻟﯩﺪﯗ، ﺩﯦﻤﯩﺴﻪﻣﻤﯘ ﺑﻮﻟﯩﺪﯗ. ﻳﯧﺸﯩﻤﯩﺰ ﭘﻪﺭﻗﻠﻪﻧﻤﻪﻳﺪﯗ.. ﯰ ﻳﺎﺧﺸﻰ ﯮﻗﯘﭖ ﺑﯧﻴﺠﯩﯖﻐﺎ ﯲﺗﺘﻰ.. ﭘﯧﻘﯩﺮ ﻳﻪﻧﯩﻼ ﺳﻪﻫﺮﺍﻳﻰ ﻗﯩﻴﺎﻣﻪﺗﺘﻪ ﻗﺎﺗﺘﯩﻖ ﻧﺎﻧﻨﻰ ﻏﺎﺟﺎﭖ ﻗﺎﻟﺪﻯ… ﺑﯘﻧﻰ ﯬﻣﺪﻯ ﺩﯦﮕﻪﻧﻨﯩﯔ ﭘﺎﻳﺪﯨﺴﻰ ﻳﻮﻕ. ﺩﺍﺳﺘﯩﺨﺎﻥ ﯪﺩﺩﯨﻲ، ﯬﻣﻤﺎ ﻛﯚﯕﻠﯩﻤﯩﺰ ﻛﻪﯓ.. ﯪﻏﯩﻨﯩﻠﻪﺭ ﺋﯧﭽﯩﻠﯩﭗ-ﻳﯧﻴﯩﻠﯩﭗ ﯮﻟﺘﯘﺭﯗﺷﯘﭖ ﺑﯧﺮﻩﺭﺳﯩﻠﻪﺭ…
ﯴﭺ ﭼﻮﻛﺎﻥ، ﻳﺎﻕ، ﻳﯧﺸﻰ 20ﺩﯨﻦ ﯪﺷﻤﯩﻐﺎﻥ ﯴﭺ ﻗﯩﺰ ﯬﺭﻟﯩﺮﯨﮕﻪ ﻗﺎﺭﺍﭖ ﯪﺭﻗﯩﺪﯨﻦ ﻣﺎﯕﺎ ﻗﺎﺭﺍﭖ ﺑﯩﺮ ﻧﯧﻤﯩﻨﻰ ﺳﯧﻠﯩﺸﺘﯘﺭﯗﭖ ﻗﺎﻟﺪﻯ. ﯰﻻﺭ ﮔﺎﺯﯨﺮ ﭼﯧﻘﯩﺸﯩﭗ ﭘﻪﺱ ﯪﯞﺍﺯﺩﺍ ﭘﺎﺭﺍﯕﻠﯩﺸﯩﭗ ﯮﻟﺘﯘﺭﺍﺗﺘﻰ. ﯬﺭﻟﯩﺮﯨﻤﯘ ﯲﺯ ﯪﺭﺍ ﭘﺎﺭﺍﯕﻐﺎ ﭼﯜﺷﻜﻪﻥ، ﮔﻮﻳﺎ ﻫﻪﻣﻤﯩﺴﻰ ﻗﻪﺭﻩﻟﻠﯩﻚ ﻳﯩﻐﯩﻠﯩﭗ، ﺑﯩﺮ-ﺑﯩﺮﯨﮕﻪ ﻗﻪﺭﻩﻟﻠﯩﻚ ﻫﺎﻟﺪﺍ ﺧﻪﯞﻩﺭ ﻳﻪﺗﻜﯜﺯﯛﺷﯜﯞﺍﺗﻘﺎﻧﺪﻩﻙ ﭘﺎﺭﺍﯓ ﺳﯧﻠﯩﺸﺎﺗﺘﻰ: ﺳﻪﻣﯩﺘﺎﺧﯘﻥ ﺗﻮﻱ ﻗﯩﻠﯩﭗ ﺋﯩﻜﻜﻰ ﻛﯜﻥ ﯲﺗﻤﻪﻱ ﺧﻮﺗﯘﻧﯩﻨﻰ ﯰﺭﯗﭖ ﯪﻧﯩﺴﯩﻨﯩﯔ ﯲﻳﯩﮕﻪ ﻫﻪﻳﺪﯨﯟﻩﺗﻜﻪﻧﯩﺪﻯ، ﺧﻮﺗﯘﻧﯩﻨﻰ ﻗﯩﺰ ﭼﯩﻘﻤﯩﺪﻯ ﺩﻩﭖ، ﺑﯩﺮ ﺗﻮﻏﺎﭼﻘﺎ ﺳﻪﯞﺯﯨﻨﻰ ﺗﯩﻘﯩﭗ ﻗﯧﻴﻨﺎﺗﯩﺴﯩﻨﯩﯔ ﯲﻳﯩﻨﯩﯔ ﻫﻮﻳﻠﯩﺴﯩﻐﺎ ﯬﻛﯩﺮﯨﭗ ﺗﺎﺷﻼﭖ ﻗﻮﻳﻐﺎﻧﯩﺪﻯ. ﻣﻪﻣﯩﺘﺎﺧﯘﻧﻨﯩﯔ ﺋﯧﺸﯩﻜﻰ ﺳﺎﻳﻠﯩﻘﻘﺎ ﻗﯧﭽﯩﭗ ﻛﯧﺘﯩﭗ ﺗﯧﺨﯩﭽﻪ ﺗﯘﺗﯘﻕ ﺑﻪﺭﻣﻪﻱ ﻳﯜﺭﻩﺗﺘﻰ. ﺗﯘﺭﺳﯘﻥ ﺗﻪﺧﻪﻱ ﻛﯧﻠﻪﺭ ﻫﻪﭘﺘﻪ ﺗﻮﻱ ﻗﯩﻼﺗﺘﻰ. ﭘﺎﻻﻧﯩﺨﺎﻥ ﯮﻏﯘﻝ ﺗﯘﻏﯘﭖ ﺑﺎﻟﯩﺴﯩﻐﺎ ﺗﯧﺨﯩﭽﻪ ﺗﯜﺯﯛﻙ ﺋﯩﺴﯩﻢ ﺗﺎﭘﺎﻟﻤﺎﻱ ﻳﯜﺭﻩﺗﺘﻰ. ﭘﯘﻛﯘﻧﯩﺨﺎﻥ ﺑﯩﺮﻧﻰ ﯮﺷﯘﻕ ﺗﯘﻏﯘﯞﯦﺘﯩﭗ، ﻳﯧﺰﺍ ﭘﯩﻼﻧﻠﯩﻖ ﺗﯘﻏﯘﺕ ﻛﺎﺩﯨﺮﻟﯩﺮﯨﺪﯨﻦ ﻗﯧﭽﯩﭗ ﻗﻮﺷﻨﺎ ﻣﻪﻫﻪﻟﻠﯩﻠﻪﺭﺩﯨﻜﻰ ﺗﯘﻏﻘﺎﻧﻠﯩﺮﯨﺪﯨﻦ ﭘﺎﻧﺎﻫﻠﯩﻖ ﺗﯩﻠﻪﭖ ﻳﯜﺭﻩﺗﺘﻰ… ﺑﺎﺯﺍﺭﺩﺍ ﺷﯩﭙﯩﯔ ﺩﯗﺧﺎﯞﯨﻨﯩﯔ ﺑﺎﻫﺎﺳﻰ ﭼﯜﺷﯜﭖ ﺑﺎﺷﻘﺎ ﻳﯩﭙﻪﻙ ﺭﻩﺧﺘﻠﻪﺭ ﻗﯩﻤﻤﻪﺗﻠﻪﭖ ﻛﯧﺘﯩﯟﺍﺗﺎﺗﺘﻰ، ﻫﺎﺭﯞﯨﻨﯩﯔ ﭼﺎﻗﻰ ﺗﻮﻻ ﺋﯧﺘﯩﻠﻐﺎﭼﻘﺎ ﺗﺎﭘﺎﻧﻨﯩﯔ ﺑﺎﻫﺎﺳﻰ ﭘﻪﻗﻪﺕ ﭼﯜﺷﻤﻪﻳﯟﺍﺗﺎﺗﺘﻰ. ﻛﯧﻠﻪﺭ ﻫﻪﭘﺘﻪ ﻳﻪﻧﻪ ﻫﺎﺷﺎﺭ ﯪﻟﯟﺍﯓ ﺑﺎﺷﻠﯩﻨﺎﺗﺘﻰ، ﺧﻪﻗﻠﻪﺭ ﯲﺳﺘﻪﯓ ﭼﺎﭘﺎﺗﺘﻰ. ﺗﺮﺍﻛﺘﻮﺭﻧﯩﯔ ﺑﺎﻫﺎﺳﻰ ﭼﯜﺷﻜﯩﺪﻩﻙ، ﻗﻪﺭﺯ ﻛﻮﭘﺮﺍﺗﯩﯟﯨﻨﯩﯔ ﻗﻪﺭﺯ ﯲﺳﯜﻣﻰ ﺑﯘ ﻳﯩﻞ ﯲﺳﻜﯩﺪﻩﻙ… ﻛﯧﯟﻩﺯﻧﻰ ﻳﻪﻧﯩﻼ ﺷﺎﯕﺠﺎﯕﻼﺭ ﺑﯩﺮ ﻗﻮﻟﻠﯘﻕ ﺗﯘﺗﯩﻤﯩﺶ، ﭘﺎﺧﺘﯩﻨﻰ ﯬﺭﻛﯩﻦ ﺳﺎﺗﻘﯩﻠﻰ ﻗﻮﻳﻤﺎﻳﻤﯩﺶ…
ﺗﻮﺧﺘﻰ ﻣﺎﻳﻠﯩﺸﯩﭗ ﻛﻪﺗﻜﻪﻥ ﻛﯧﺴﻪﻙ ﯰﻧﯫﻟﻐﯘﺳﯩﻐﺎ ﻣﺎﻳﻠﯩﺸﯩﭗ ﻛﻪﺗﻜﻪﻥ ﺑﯩﺮ ﺩﻩﻳﻨﻰ ﺳﺎﻟﺪﻯ. ﺋﯧﻠﯩﻜﺘﺮﻭﻧﻠﯘﻕ ﺭﯨﻴﺎﻟﺪﺍ ﻗﻮﭘﺎﻝ ﭼﯧﻠﯩﻨﻐﺎﻥ ﯰﺳﺴﯘﻝ ﭘﻪﺩﯨﺴﻰ… ﺗﻮﺧﺘﻰ ﺧﻮﺗﯘﻧﯩﻨﻰ ﯰﺳﺴﯘﻟﻐﺎ ﺗﺎﺭﺗﺘﻰ. ﯮﺭﯗﻕ ﺯﯨﻠﯟﺍ ﭼﻮﻛﺎﻥ ﯰﻧﯩﯖﻐﺎ ﺗﺎﺭﺗﯩﻨﯩﭗ ﺑﯧﻘﯩﭗ، ﯪﺳﺘﯩﻨﻘﻰ ﻟﯧﯟﯨﻨﻰ ﭼﯩﺸﻠﻪﭖ، ﻗﻮﻟﻠﯩﺮﯨﻨﻰ ﻟﻪﺭﺯﺍﻥ ﯮﻳﻨﯩﺘﯩﭗ، ﺋﯧﺮﯨﻨﯩﯔ ﻳﻮﻏﺎﻥ ﭼﺎﻣﺪﺍﭖ ﯮﻳﻨﺎﺷﻠﯩﺮﯨﻨﯩﯔ ﯬﻛﺴﯩﭽﻪ ﻛﯩﭽﯩﻚ ﭼﺎﻣﺪﺍﭖ، ﯪﺳﺘﺎ ﭼﯚﮔﯩﻠﻪﭖ ﯰﺳﺴﯘﻝ ﯮﻳﻨﺎﺷﻘﺎ ﺑﺎﺷﻠﯩﺪﻯ.. ﻗﺎﻟﻐﺎﻥ ﯬﺭ-ﺧﻮﺗﯘﻧﻼﺭﻣﯘ ﻫﻪﺭﯨﻜﻪﺗﻜﻪ ﻛﻪﻟﺪﻯ، ﭼﯩﯖﺪﯨﻠﯩﭗ ﯮﻱ-ﺩﯙﯓ ﺑﻮﻟﯘﭖ ﻛﻪﺗﻜﻪﻥ ﭘﻪﮔﺎ ﯰﻻﺭﻧﻰ ﺳﯩﻐﺪﯗﺭﺍﻟﻤﯩﻐﺎﻧﺪﻩﻙ، ﯰﻻﺭﻧﯩﯔ ﻗﯩﺰﻏﯩﻨﻠﯩﻘﯩﻐﺎ ﻛﯧﺴﻪﻙ ﯴﻧﯫﻟﻐﯘﻧﯩﯔ ﺑﻮﻏﯘﻕ ﯪﯞﺍﺯﻯ، ﺋﯩﺴﻠﯩﺸﯩﭗ ﻛﻪﺗﻜﻪﻥ ﻻﻣﭙﯘﭼﻜﯩﻨﯩﯔ ﻏﯘﯞﺍ ﻧﯘﺭﻯ ﻳﻪﺗﻤﯩﮕﻪﻧﺪﻩﻙ، ﯲﻳﻨﯩﯔ ﺗﻮﻛﻰ ﻫﺎﺯﯨﺮﻻ ﻛﯧﺘﯩﭗ ﻗﺎﻟﯩﺪﯨﻐﺎﻧﺪﻩﻙ، ﻫﻪﻣﻤﯩﺴﻰ ﻗﺎﺭﺍﯕﻐﯘﻟﯘﻗﺘﺎ ﻗﺎﻟﺴﺎ ﺗﯧﺨﯩﻤﯘ ﺧﻮﺵ ﺑﻮﻟﯘﭖ ﻗﯘﭼﺎﻗﻠﯩﺸﯩﭗ ﺳﯚﻳﯜﺷﯜﭖ ﺗﯚﺭﺩﻩ ﻳﺎﻟﻐﯘﺯ ﻗﺎﻟﻐﺎﻥ ﻣﯧﻨﻰ ﻗﯧﺘﯩﻐﯩﻤﯘ ﺋﯧﻠﯩﭗ ﻗﻮﻳﻤﺎﻳﺪﯨﻐﺎﻧﺪﻩﻙ ﻗﯩﻼﺗﺘﻰ.
ﺗﻮﺧﺘﻰ ﻣﺎﯕﺎ ﻣﻪﺳﺘﻨﯩﯔ ﻛﯚﺯﯨﺪﻩ ﯬﻣﻪﺱ، ﺑﻪﻟﻜﻰ ﺳﺎﻕ، ﺳﻪﺯﮔﯜﺭ ﯪﺩﻩﻣﻨﯩﯔ ﻛﯚﺯﯨﺪﻩ ﻗﺎﺭﯨﺪﻯ. ﯰﺳﺴﯘﻟﺪﯨﻦ ﺗﻮﺧﺘﺎﭖ ﻣﯧﻨﻰ ﺗﻪﻛﻠﯩﭗ ﻗﯩﻠﺪﻯ. ﻣﻪﻥ ﯰﺳﺴﯘﻝ ﯰﻗﻤﺎﻳﻤﻪﻥ ﺩﻩﭖ ﯲﺯﯛﺭ ﺗﯩﻠﯩﺪﯨﻢ.
ﺋﯩﭽﯩﺶ ﻳﻪﻧﻪ ﺑﺎﺷﻼﻧﺪﻯ، ﮔﺎﻟﺪﯨﻦ ﯮﺕ ﻳﺎﻧﺪﯗﺭﯗﭖ، ﯴﭼﻪﻳﻠﻪﺭﻧﻰ ﺗﻮﻟﻐﺎﭖ ﻣﯧﯖﯩﯟﺍﺗﻘﺎﻥ ﺳﻮﻳﯘﻗﻠﯘﻕ ﺋﯩﭽﯩﻤﮕﻪ ﻳﯩﻼﻧﺪﻩﻙ ﻣﯧﯖﯩﭗ، ﭘﯜﺗﯜﻥ ﯬﺯﺍﻳﯩﻤﻐﺎ ﺯﻩﻫﯩﺮﯨﻨﻰ ﺳﯩﯖﺪﯛﺭﯛﯞﺍﺗﺎﺗﺘﻰ.
___ ﯪﺩﺍﺵ، ﺑﯧﻴﺠﯩﯔ ﺗﻮﻏﺮﯨﻠﯩﻖ ﮔﻪﭖ ﻗﯩﻠﯩﭗ ﺑﻪﺭﮔﯩﻨﻪ ﺑﯩﺰﮔﻪ…- ﺩﯦﺪﻯ ﺗﻮﺧﺘﻰ ﻣﺎﯕﺎ ﻫﺎﺭﺍﻕ ﺗﻪﯕﻠﻪﭖ.
___ ﺷﯘ، ﺑﺎﻳﺎﺗﯩﻦ ﺑﯩﺰﻻ ﻛﻮﺗﯘﻟﺪﺍﭖ ﯮﻟﺘﯘﺭﺩﯗﻕ، ﺳﯩﺰ ﭘﻪﻗﻪﺕ ﮔﻪﭖ ﻗﯩﻠﯩﭗ ﺑﻪﺭﻣﯩﺪﯨﯖﯩﺰ،- ﺩﯦﺪﻯ ﻗﺎﺭﺍﻗﯘﻣﭽﺎﻕ ﻗﯩﺰ.
ﻛﯩﭽﯩﻚ ﺗﯘﺭﯗﭘﻼ ﯬﺭﮔﻪ ﺗﻪﮔﻜﻪﻥ ﺑﯘ ﻗﯩﺰ ﺑﯩﺰﻧﯩﯔ ﺳﯩﻨﯩﭙﺘﯩﻜﻰ ﻗﯩﺰﻻﺭﺩﯨﻦ ﺧﯧﻠﯩﻼ ﺳﺎﺩﺩﺍ ﺋﯩﺪﻯ.
__ ﺩﯦﮕﯜﺩﻩﻙ ﻫﯧﭽﻨﯧﻤﻪ ﻳﻮﻕ. ﯰ ﻳﻪﺭ ﺳﯩﻠﻪﺭ ﻗﺎﻧﺪﺍﻕ ﯮﻳﻠﯩﺴﺎﯕﻼﺭ ﺷﯘﻧﺪﺍﻕ..
__ ﺗﻴﻪﻧﯭﻧﻤﯧﻨﺪﯨﻜﻰ ﻣﺎﯞﺟﯘﺷﯩﻨﯩﯔ ﺭﻩﺳﯩﻤﯩﮕﻪ ﺑﯩﺮﻯ ﺭﻩﯓ ﭼﯧﭽﯩﯟﯦﺘﯩﭙﺘﯘ ﺩﻩﻳﺪﯗ، ﺭﺍﺳﺘﻤﺎ؟
ﯰﻧﺪﺍﻕ ﺋﯩﺸﻨﻰ ﯪﯕﻠﯩﻤﯩﺪﯨﻢ.
__ ﻣﺎﯞﺟﯘﺷﯩﻨﯩﯔ ﯲﻟﯜﻛﯩﻨﻰ ﻛﯚﺭﺩﯨﯖﯩﺰﻣﯘ؟
ﻛﯚﺭﯛﭖ ﺑﺎﻗﻤﯩﺪﯨﻢ.
__ ﺋﯩﺴﻤﺎﺋﯩﻞ ﯬﻣﻪﺕ، ﺗﯚﻣﯜﺭ ﺩﺍﯞﺍﻣﻪﺕ ﻧﯧﻤﻪ ﺋﯩﺶ ﻗﯩﻠﯩﺪﯗ؟
ﯰﻗﻤﺎﻳﻤﻪﻥ.
__ ﺑﯧﻴﺠﯩﯖﻨﯩﯔ ﺑﺎﺯﯨﺮﻯ ﻗﯩﺰﺯﯨﻤﺪﯗ؟
__ ﺷﻪﻫﻪﺭﻧﯩﯔ ﻫﻪﻣﻤﻪ ﻳﯧﺮﻯ ﺑﺎﺯﺍﺭ.
__ ﻛﯘﻟﯩﻐﺎ ﻗﺎﭼﻘﺎﻥ ﺳﺎﻳﯩﻢ ﺳﻪﺗﻪﯓ ﺧﻪﻧﺰﯗ ﺧﻮﺗﯘﻧﺪﯨﻦ ﺑﯩﺮﻧﻰ ﯪﭘﺘﯘ ﺩﻩﻳﺪﯗ، ﻛﯚﺭﯛﺷﻪﻟﻤﻪﻳﺴﯩﻠﻪﺭ ﻫﻪﻗﯩﭽﺎﻥ…
ﺑﯘﻧﺪﺍﻗﻼﺭ ﺗﻮﻻ.
__ ﺧﻮﺗﯘﻧﻠﯩﺮﻯ ﭼﻮﻗﯘﻡ ﺳﻪﺕ ﺩﻩﯕﺎ، ﻗﺎﻧﺪﺍﻕ ﻛﯚﯕﻠﻰ ﻛﯚﺗﯜﺭﯨﺪﯨﻐﺎﻧﺪﯗ…
__ ﺳﻪﺕ ﺑﻮﻟﻐﺎﻥ ﺑﯩﻠﻪﻥ ﺑﯧﻴﺠﯩﯖﻠﯩﻖ ﺩﻩﭖ ﯪﻟﯩﺪﯗ-ﺩﻩ،- ﺩﯦﺪﻯ ﯰﻧﯩﯔ ﯮﻣﺎﻕ ﺧﻮﺗﯘﻧﻰ ﺧﯘﺩﺩﻯ ﺑﯘ ﻳﻪﺭﺩﻩ ﻳﺎﺷﺎﭖ ﻫﯧﭻ ﺧﻮﯞﻟﯘﻕ ﻛﯚﺭﻣﯩﮕﻪﻧﺪﻩﻙ ﯪﻫ ﯰﺭﯗﭖ.
….
ﺑﯩﺮ ﭼﺎﻏﺪﺍ ﺑﯘ ﮔﻪﭘﻠﻪﺭﻣﯘ ﺑﯧﺴﯩﻘﺘﻰ. ﺗﻮﺧﺘﻰ ﻳﻪﻧﻪ ﯴﻧﯫﻟﻐﯘﺳﯩﻨﻰ ﻣﺎﯕﺪﯗﺭﺩﻯ، ﺗﺎﻧﺴﺎ ﻣﯘﺯﯨﻜﯩﺴﯩﻨﯩﯔ ﭼﯩﻘﯩﺸﻰ، ﺗﻮﺧﺘﯩﻨﯩﯔ ﺑﺎﺷﻼﭖ ﺑﯧﺮﯨﺸﻰ ﺑﯩﻠﻪﻥ ﯬﺭ-ﺧﻮﺗﯘﻧﻼﺭ ﻳﻪﻧﻪ ﭘﻪﮔﺎﻧﻰ ﺑﯩﺮ ﯪﻟﺪﻯ. ﯰﻻﺭ ﺑﯩﺮ ﺩﯗﻧﻴﺎﻏﺎ ﻛﯩﺮﯨﭗ ﻛﯧﺘﯩﺸﻜﻪﻥ، ﭼﻪﺗﺘﻪ ﻣﻪﻥ ﻳﻪﻧﻪ ﻳﺎﻟﻐﯘﺯ ﻗﺎﻟﻐﺎﻧﯩﺪﯨﻢ. ﺗﻮﺧﺘﻰ ﺑﯘ ﺳﻮﺭﯗﻧﻨﻰ ﻣﻪﻥ ﯴﭼﯜﻥ ﯬﻣﻪﺱ، ﯲﺯﻟﯩﺮﻯ ﯴﭼﯜﻥ ﻫﺎﺯﯨﺮﻟﯩﻐﺎﻧﺪﻩﻙ، ﺑﯘﻻﺭ ﻣﯘﺷﯘﻧﺪﺍﻕ ﭘﺎﺕ-ﭘﺎﺕ ﻳﯩﻐﯩﻠﯩﭗ ﻗﺎﺗﺎﺭ ﭼﺎﻱ ﯮﻳﻨﺎﻳﺪﯨﻐﺎﻧﺪﻩﻙ ﻗﯩﻼﺗﺘﻰ.
ﺋﯩﭽﯩﺶ ﻳﻪﻧﻪ ﺩﺍﯞﺍﻡ ﻗﯩﻠﺪﻯ، ﺑﯩﺮ ﻗﯘﺗﯩﻨﻰ ﺑﯩﻜﺎﺭﻟﯩﺪﯗﻕ. ﺗﻮﺧﺘﻰ ﻳﻪﻧﻪ ﺑﯩﺮﯨﻨﻰ ﭼﯩﻘﯩﺮﯨﭗ ﺳﺎﻗﯩﻴﻠﯩﻘﻨﻰ ﻣﺎﯕﺎ ﺳﯘﻧﺪﻯ. ﻣﻪﻥ ﻫﺎﺭﺍﻕ ﻗﯘﻳﺎﻟﻤﺎﻳﺘﺘﯩﻢ، ﺑﺎﺷﻘﯩﻼﺭ ﻗﯘﻳﺴﯘﻥ ﺩﻩﭖ ﺗﯘﺭﯗﯞﺍﻟﺪﯨﻢ. ﺗﻮﺧﺘﻰ ﯪﺭﺗﯘﻕ ﮔﻪﭖ ﻗﯩﻠﻤﯩﺪﻯ.
ﺗﺎﻧﺴﺎ ﻣﯘﺯﯨﻜﯩﺴﻰ ﺩﺍﯞﺍﻡ ﻗﯩﻠﯩﯟﺍﺗﺎﺗﺘﻰ.. ﺗﻮﺧﺘﻰ ﻗﻮﻟﯩﺪﯨﻜﻰ ﭘﯩﻴﺎﻟﯩﻨﻰ ﺋﯧﻠﯩﭗ ﻗﯩﺰﻻﺭﻏﺎ ﺩﯦﺪﻯ:
__ ﻫﻪ ﺧﻮﺗﯘﻧﻼﺭ، ﭼﺎﻱ ﺑﻮﻟﺴﯩﻤﯘ ﻗﻮﻟﯘﯕﻼﺭﻏﺎ ﺋﯧﻠﯩﯖﻼﺭ..ﻫﻪ، ﺋﯩﭽﯩﺸﯩﭗ ﻗﻮﻳﯩﻠﻰ..
ﯬﺟﻪﭖ ﺳﻪﺕ ﮔﻪﭖ ﻗﯩﻠﺪﯨﯖﯩﺰ ﺗﻮﺧﺘﻰ… ﺩﯦﻴﯩﺸﺘﻰ ﻫﻪﻣﻤﯩﺴﻰ.
__ ﻧﯧﻤﻪ ﺳﻪﺕ ﮔﻪﭖ، ﻗﯩﺰﻻﺭ ﺩﯦﺴﻪﻙ ﺑﻮﻻﻣﺘﻰ، ﻣﺎﻧﻪ؟!
ﭼﯩﺮﺍﻳﻠﯩﻘﺮﺍﻕ ﺩﯦﺴﯩﯖﯩﺰ ﺑﻮﻟﻤﺎﻣﺪﯗ، ﻣﻪﺳﯩﻠﻪﻥ، ﯪﻳﺎﻟﻠﯩﺮﯨﻤﯩﺰ… ﺩﯦﮕﻪﻧﺪﻩﻙ ﻣﺎﻧﺪﺍﻕ..
__ ﺑﯩﺰﻧﯩﯔ ﺋﯧﻐﯩﺰﺩﯨﻦ ﯰﻧﺪﺍﻕ ﺳﯩﻠﯩﻖ ﮔﻪﭖ ﭼﯩﻘﻤﺎﻳﺪﯗ… ﺑﯩﺰ ﺷﻪﻟﯩﻚ ﯬﻣﻪﺱ.
ﺷﻪﻟﯩﻚ ﺑﻮﻟﻤﯩﺴﯩﻤﯘ ﻣﻪﺩﻩﻧﯩﻴﺮﺍﻕ ﺑﻮﻟﺴﺎ ﻫﯧﭽﻨﯧﻤﻪ ﺑﻮﻟﻤﺎﻳﺪﯗ…- ﺩﯦﺪﻯ ﻗﺎﺭﺍ ﻗﯘﻣﭽﺎﻕ ﻗﯩﺰ ،- ﻣﻪﺳﯩﻠﻪﻥ ﻣﺎ ﻗﻪﻳﺴﻪﺭﺟﺎﻧﺪﻩﻙ ﺋﯧﻐﯩﺮ-ﺑﯧﺴﯩﻖ، ﺋﯩﭽﺴﯩﻤﯘ ﮔﻪﭖ-ﺳﯚﺯﻯ ﺟﺎﻳﯩﺪﺍ ﺑﻮﻟﺴﺎﯕﻼﺭ ﺩﯦﻤﻪﻛﭽﯩﻤﻪﻥ…
ﺗﻮﺧﺘﻰ ﻣﺎﯕﺎ ﻗﺎﺭﺍﭖ ﺳﯘﺱ ﻛﯜﻟﯜﭖ ﻗﻮﻳﺪﻯ، ﺑﯘﻧﯩﯖﻤﯘ ﻛﯚﯕﻠﻰ ﺋﯧﭽﯩﻠﯩﭗ ﻗﺎﻟﺴﯘﻥ ﺩﯦﺪﻯ ﺑﻪﻟﻜﯩﻢ. ﯬﻣﻤﺎ ﻗﺎﻟﻐﺎﻥ ﯬﺭﻟﯩﺮﻯ ﻛﯚﯕﻠﯩﺪﻩ ﭼﻮﻗﯘﻡ ﻧﺎﺭﺍﺯﻯ ﺑﻮﻟﺪﻯ. ﻗﺎﺭﺍﻗﯘﻣﭽﺎﻕ ﻗﯩﺰﻧﯩﯔ ﺋﯧﺮﻯ ﺑﯘ ﮔﻪﭘﻨﻰ ﻛﯚﯕﻠﯩﺪﻩ ﺳﺎﻗﻼﭖ ﻗﺎﻟﺪﻯ. ﻗﯩﺰ ﯰﺯﺍﻕ ﯲﺗﻤﻪﻱ ﺗﺎﻳﯩﻘﯩﻨﻰ ﻳﻪﻳﺪﯗ…
ﺗﺎﻧﺴﺎ ﯮﻳﻨﺎﺵ ﺩﻩﯞﺭ ﺳﯜﺭﯛﯞﺍﺗﺎﺗﺘﻰ. ﺗﻮﺧﺘﻰ ﻫﻪﺭ ﻗﯧﺘﯩﻢ ﺧﻮﺗﯘﻧﯩﻨﻰ ﯪﺭﺍﻡ ﯪﻟﺪﯗﺭﻣﺎﻱ ﺗﺎﻧﺴﯩﻐﺎ ﺗﺎﺭﺗﯩﭙﻼ ﺗﯘﺭﺍﺗﺘﻰ.
ﯰﻻﺭﻧﯩﯔ ﻗﯩﻠﯩﻖ-ﻗﯩﻴﺎﭘﻪﺗﻠﯩﺮﯨﮕﻪ ﻫﻪﺭ ﻗﯧﺘﯩﻢ ﻗﺎﺭﯨﺴﺎﻡ ﺑﯩﺮ ﻳﯧﯖﯩﻠﯩﻖ ﻫﯧﺲ ﻗﯩﻼﺗﺘﯩﻢ…
ﺧﯧﻠﯩﻼ ﺋﯩﭽﯩﺸﻜﻪﻥ ﺑﻮﻟﺴﺎﻕ ﻛﯧﺮﻩﻙ، ﺋﯩﭽﯩﻤﯩﺰ ﺧﯧﻠﯩﻼ ﻗﯩﺰﺯﯨﭗ، ﻛﻪﻳﭙﯩﻤﯩﺰ ﻛﯚﺗﯜﺭﯛﻟﯜﭖ ﻛﻪﺗﺘﻰ. ﻣﯘﺷﯘ ﭘﻪﻳﺘﺘﻪ ﻗﺎﺭﺍ ﻗﯘﻣﭽﺎﻕ ﻗﯩﺰ ﻣﺎﯕﺎ ﻳﻪﻧﻪ ﭘﺎﺕ-ﭘﺎﺕ ﻗﺎﺭﺍﭖ ﻗﻮﻳﺎﺗﺘﻰ. ﯞﺍﻟﯩﺴﻘﺎ ﻛﯧﻠﯩﺪﯨﻐﺎﻥ ﺗﺎﻧﺴﺎ ﻣﯘﺯﯨﻜﯩﺴﻰ ﭼﯩﻘﯩﺸﻰ ﺑﯩﻠﻪﻥ ﺗﻮﺧﺘﻰ ﻗﺎﺭﺍ ﻗﯘﻣﭽﺎﻕ ﻗﯩﺰﻧﻰ ﺗﺎﻧﺴﯩﻐﺎ ﺗﺎﺭﺗﺘﻰ، ﺑﯘ ﻗﯩﺰﻧﯩﯔ ﺋﯧﺮﻯ ﯰﻧﯩﯔ ﺧﻮﺗﯘﻧﯩﻨﻰ ﺗﺎﻧﺴﯩﻐﺎ ﺗﺎﺭﺗﺘﻰ، ﺧﻮﺗﯘﻥ ﯪﻟﻤﺎﺷﺘﯘﺭﯗﭖ ﺗﺎﻧﺴﺎ ﯮﻳﻨﺎﺵ ﺑﺎﺷﻠﯩﻨﯩﭗ ﻛﻪﺗﺘﻰ.. ﺑﯘ ﻫﺎﻟﺪﺍ ﻣﻪﻧﻤﯘ ﺗﺎﻧﺴﯩﺪﯨﻦ ﻗﯘﺭﯗﻕ ﻗﺎﻟﻤﺎﻳﺘﺘﯩﻢ. ﻟﯧﻜﯩﻦ ﯪﭼﻜﯚﺯﻟﻪﺭﭼﻪ ﺗﺎﻣﺎﻣﯘ ﻗﯩﻠﯩﭗ ﻛﻪﺗﻤﻪﻳﺘﺘﯩﻢ. ﺗﺎﻧﺴﺎ ﺗﯜﮔﻪﭖ ﻫﻪﻣﻤﯩﺴﻰ ﺗﯚﺭﮔﻪ ﭼﯩﻘﯩﺸﺘﻰ.
__ ﯪﺩﺍﺵ، ﺑﯩﺰﻧﯩﻼ ﯮﻳﻨﺎﭖ ﻛﻪﺗﺘﻰ ﺩﻩﭖ ﻗﺎﻟﻤﺎ،- ﺩﯦﺪﻯ ﺗﻮﺧﺘﻰ ﻧﯚﯞﯨﺘﻰ ﻛﻪﻟﮕﻪﻥ ﻫﺎﺭﺍﻗﻨﻰ ﻗﻮﻟﯩﻐﺎ ﺋﯧﻠﯩﭗ ﻣﺎﯕﺎ ﻗﺎﺭﺍﭖ،- ﺑﯩﺰ ﺟﺎﭘﺎﻛﻪﺵ ﺧﻪﻕ ﻣﯘﺷﯘﻧﺪﺍﻕ ﻳﺎﺷﯩﻤﯩﺴﺎﻕ ﯲﻟﯜﭖ ﻗﺎﻟﯩﻤﯩﺰ.. ﭼﻮﯕﻼﺭﻧﯩﯔ ﻳﯜﺭﯨﻜﻰ ﯪﻟﻠﯩﻘﺎﭼﺎﻥ ﻣﯘﺯﻟﯩﺪﻯ، ﺑﯩﺰ ﺗﯧﺨﻰ ﻳﺎﺵ… ﻣﯘﺷﯘ ﺧﻮﺗﯘﻧﻠﯩﺮﯨﻤﯩﺰﻧﯩﯖﻤﯘ ﺑﺎﺯﺍﺭﺩﯨﻦ، ﻣﯘﺷﯘﻧﺪﺍﻕ ﺳﻮﺭﯗﻧﺪﯨﻦ ﻛﯚﯕﻠﻰ ﯪﺯ-ﭘﺎﺯ ﺳﯘ ﺋﯩﭽﻤﯩﺴﻪ، ﺑﯘ ﻳﻪﺭﺩﯨﻦ ﻗﯧﭽﯩﭗ ﻛﯧﺘﯩﺸﻜﻪ ﯪﺭﺍﻥ ﺗﯘﺭﯨﺪﯗ… ﺑﯘ ﻗﯩﺰﻻﺭ ﺑﯩﺰﮔﻪ ﺧﻮﺗﯘﻥ ﺑﻮﻟﯘﺷﺘﯩﻦ ﺋﯩﻠﮕﯩﺮﻯ ﻣﻪﻫﻪﻟﻠﯩﻤﯩﺰﻧﯩﯔ ﮔﯜﻟﻠﯩﺮﻯ ﺋﯩﺪﻯ. ﻫﺎﺯﯨﺮﻣﯘ ﮔﯜﻝ… ﻗﺎﻧﺪﺍﻕ ﻫﻪ ﺧﻮﺗﯘﻧﻼﺭ… ﻫﻪ ﻳﺎﻕ ﯪﻳﺎﻟﻼﺭ… ﺑﯘﻻﺭﻧﻰ ﺗﻮﻏﺮﺍ ﭼﯜﺷﻪﻥ، ﺳﻪﻥ ﺑﯩﺰﺩﯨﻦ ﻧﻪﭼﭽﻪ ﻫﻪﺳﺴﻪ ﻣﻪﺩﻩﻧﯩﻲ، ﺷﯘﯕﺎ ﺑﯘ ﻣﻪﺩﻩﻧﯩﻲ ﺋﯩﺸﻼﺭﻏﺎ ﺟﯩﻖ ﺯﻭﺭﻟﯩﻤﯩﺪﯗﻕ. ﻟﯧﻜﯩﻦ ﯮﻳﻨﯩﻐﯘﯓ ﺑﻮﻟﺴﺎ، ﺗﺎﺭﺗﯩﻨﻤﺎ.. ﺑﯩﺰ ﺗﺎﺭﺗﯩﻨﯩﺸﻤﺎﻳﻤﯩﺰ. ﻛﯚﯕﻠﯜﯕﺪﻩ ﻧﯧﻤﻪ ﺑﻮﻟﺴﺎ ﺳﻮﺭﯗﻧﻐﺎ ﺗﯚﻙ.. ﯰﺳﺴﯘﻟﻐﺎ ﺗﺎﺭﺗﺴﺎﻡ ﻗﻮﭘﻤﯩﺪﯨﯔ، ﻫﺎﺭﺍﻕ ﻗﯘﻱ ﺩﯦﺴﻪﻡ ﻗﯘﻳﻤﯩﺪﯨﯔ… ﺗﺎﻧﺴﯩﻤﯘ ﯮﻳﻨﯩﻐﯘﯓ ﻛﻪﻟﻤﯩﺪﻯ… ﺑﯩﺰﻧﻰ ﻛﯚﺯﮔﻪ ﺋﯩﻠﻤﯩﺴﺎﯕﻤﯘ ﺑﯩﺰ ﺳﯧﻨﻰ ﻛﯚﺯﮔﻪ ﺋﯩﻠﯩﻤﯩﺰ. ﭼﯜﻧﻜﻰ ﺳﻪﻥ ﻣﯩﯖﺪﯨﻦ ﺑﯩﺮﻯ ﭼﯩﻘﯩﺪﯨﻐﺎﻥ ﺩﺍﺷﯚﺳﯩﯔ. ﯰﻧﺪﺍﻕ ﻗﯩﻠﻤﺎﻱ ﺋﯧﭽﯩﻠﯩﭗ ﯮﻟﺘﯘﺭﯗﭖ ﺑﻪﺭ.. ﺑﯩﺰ ﺩﯦﻬﻘﺎﻥ ﺧﻪﻕ، ﮔﻪﭖ ﺑﻮﻟﺴﺎﻕ ﻳﯜﺯﺩﻩ ﺩﻩﻳﻤﯩﺰ…ﮔﯧﭙﯩﻢ ﻗﻮﭘﺎﻝ ﻛﻪﺗﻜﻪﻥ ﺑﻮﻟﺴﺎ ﻛﯚﯕﻠﯜﯕﮕﻪ ﯪﻟﻤﺎ…
__ ﻳﺎﻗﻪﻱ ﺗﻮﺧﺘﻰ ﯪﺩﺍﺵ، ﯪﺭﺗﯘﻕ ﯮﻳﻼﭖ ﻛﯧﺘﯩﭙﺴﻪﻥ… ﺳﯩﻠﻪﺭﻧﻰ ﯰﻧﺪﺍﻕ-ﻣﯘﻧﺪﺍﻕ ﺩﯦﻴﯩﺸﻜﻪ ﻧﯧﻤﻪ ﻫﻪﺩﺩﯨﻢ؟ ﺭﺍﺳﺘﯩﻤﻨﻰ ﺩﯦﺴﻪﻡ ﺳﯩﻠﻪﺭﮔﻪ ﺋﯩﻨﺘﺎﻳﯩﻦ ﺯﻭﻗﻠﯩﻨﯩﯟﺍﺗﯩﻤﻪﻥ… ﻣﯘﺷﯘﻧﺪﺍﻕ ﺟﺎﭘﺎﻟﯩﻖ ﻣﯘﻫﯩﺘﺘﺎ ﻛﯚﯕﯜﻟﻠﯜﻙ ﻳﺎﺷﺎﺷﻘﺎ ﻫﻪﻗﻘﯩﯖﻼﺭ ﺑﺎﺭ…
__ ﺑﯜﮔﯜﻥ ﺑﯘ ﻳﻪﺭﺩﻩ ﻛﻪﭼﻠﯩﺴﻪﻙ، ﯬﺗﻪ-ﯲﮔﯜﻥ ﻫﺎﺷﺎﺭﻏﺎ ﭼﯩﻘﯩﺪﯨﻐﺎﻥ ﮔﻪﭖ. ﺷﯘﯕﺎ ﭘﯘﺭﺳﻪﺕ ﻏﻪﻧﯩﻤﻪﺕ ﺩﻩﭖ ﯮﻳﻨﺎﭖ ﻗﻮﻳﺪﯗﻕ..ﺗﯜﺯﯛﺕ ﻗﯩﻠﻤﯩﺪﯗﻕ. ﺳﻪﻧﻤﯘ ﺑﯘﻧﺪﺍﻕ ﯮﻟﺘﯘﺭﯗﯞﺍﻟﻤﺎ..
__ﺑﻮﻟﯩﺪﯗ، ﭼﺎﺗﺎﻕ ﻳﻮﻕ..
ﺗﺎﻧﺴﺎ ﻣﯘﺯﯨﻜﯩﺴﻰ ﺑﺎﺷﻼﻧﺪﻯ. ﺑﺎﻳﺎﺗﯩﻦ ﺑﯧﺮﻯ ﻣﺎﯕﺎ ﺗﻮﻻ ﻗﺎﺭﺍﭖ ﻛﻪﺗﻜﻪﻥ ﻗﺎﺭﺍﻗﯘﻣﭽﺎﻗﻨﻰ ﺗﺎﻧﺴﯩﻐﺎ ﺗﺎﺭﺗﺘﯩﻢ. ﺋﯧﺮﯨﻐﺎ ﻫﺎﺭﺍﻕ ﺋﯧﻐﯩﺮ ﻛﻪﻟﺪﯨﻤﯘ ﻳﺎﻛﻰ ﺑﯜﮔﯜﻥ ﺑﻪﻙ ﯬﻣﮕﻪﻙ ﻗﯩﻠﯩﭗ ﻫﯧﺮﯨﭗ ﻛﻪﺗﺘﯩﻤﯘ، ﯬﻳﺘﺎﯞﯗﺭ ﺗﺎﻣﺪﯨﻜﻰ ﺯﻩﺩﯞﺍﻟﻐﺎ ﻳﯚﻟﯩﻨﯩﭗ ﭼﺎﻻ ﯰﻳﻘﯩﻐﺎ ﻛﻪﺗﻜﻪﻧﯩﺪﻯ.
ﻗﺎﺭﺍ ﻗﯘﻣﭽﺎﻕ ﻗﯩﺰ ﯬﻣﻪﻟﯩﻴﻪﺗﺘﻪ ﻫﻪﻗﯩﻘﯩﻲ ﺑﯘﻏﺪﺍﻱ ﯲﯓ، ﻛﯚﺯﻯ ﻧﯘﺭﻟﯘﻕ، ﺑﻪﺩﯨﻨﻰ ﺋﯧﮕﯩﺰ ﯲﺳﻜﻪﻥ ﮔﯜﻟﺪﻩﻙ ﺧﯘﺷﭙﯩﭽﯩﻢ، ﯮﺭﯗﻕ ﺑﻮﻟﺴﯩﻤﯘ ﺗﻮﻟﻐﺎﻥ ﻛﯚﺭﯛﻧﯩﺪﯨﻐﺎﻥ ﭼﻪﺑﺪﻩﺱ ﻗﯩﺰ ﺋﯩﺪﻯ. ﯰﻧﯩﯔ ﺑﯩﻠﻪﻥ ﺗﺎﻧﺴﺎ ﯮﻳﻨﺎﺷﻘﺎ ﺑﺎﺷﻠﯩﻐﺎﻥ ﻫﺎﻣﺎﻥ ﯲﺯﻩﻣﻨﻰ ﺧﯘﺵ ﭘﯘﺭﺍﻕ ﺩﺍﻟﯩﺪﺍ ﮔﯜﻝ ﺳﻪﻳﻠﯩﺴﻰ ﻗﯩﻠﯩﯟﺍﺗﻘﺎﻧﺪﻩﻙ ﻛﯚﯕﯜﻟﻠﯜﻙ، ﺭﺍﻫﻪﺕ، ﺷﯧﺮﯨﻦ ﻫﯧﺲ ﻗﯩﻠﺪﯨﻢ ﯞﻩ ﯰﻧﯩﯔ ﯰﻳﻘﯩﻐﺎ ﺳﺎﯕﮕﯩﻠﯩﻐﺎﻥ ﺋﯧﺮﯨﻐﺎ ﻫﻪﺳﻪﺩ ﯪﺭﯨﻼﺵ ﻫﻪﯞﻩﺳﻠﻪﻧﺪﯨﻢ. ﯰﻧﯩﯔ ﺋﯧﺮﻯ ﭼﻮﻗﯘﻡ ﻣﻪﻧﺪﯨﻨﻤﯘ ﺑﻪﻙ ﻫﺎﺭﺍﻕ ﻛﯚﺗﯜﺭﻩﻟﻪﻳﺪﯨﻐﺎﻥ ﻳﯩﮕﯩﺖ، ﻟﯧﻜﯩﻦ ﻣﯘﺷﻪﻗﻘﻪﺗﻠﯩﻚ ﯬﻣﮕﻪﻙ ﯰﻧﻰ ﯬﻧﻪ ﺷﯘﻧﺪﺍﻕ ﺋﯧﺰﯨﯟﻩﺗﻜﻪﻧﯩﺪﻯ… ﺧﻮﺗﯘﻧﻰ ﺑﯩﻠﻪﻥ ﺗﺎﻧﺴﺎ ﯮﻳﻨﺎﯞﯦﺘﯩﭗ ﯰﻧﯩﯖﻐﺎ ﭘﺎﺕ-ﭘﺎﺕ ﻗﺎﺭﺍﭖ ﻗﻮﻳﺎﺗﺘﯩﻢ، ﺋﯩﭽﯩﻢ ﻧﯧﻤﯩﮕﯩﺪﯗﺭ ﺋﯧﭽﯩﺸﺎﺗﺘﻰ، ﻫﺎﺭﺍﻕ ﺋﯧﭽﯩﺸﺘﯘﺭﺩﯨﻤﯘ ﻳﺎﻛﻰ ﻗﻪﻟﺒﯩﻤﻨﯩﯔ ﭘﯩﻨﻬﺎﻥ ﻳﻪﺭﻟﯩﺮﯨﺪﻩ ﻛﯚﻣﯜﻟﯜﭖ ﻳﺎﺗﻘﺎﻥ ﯞﯨﺠﺪﺍﻥ ﯪﺯﺍﺑﻰ ﺋﯧﭽﯩﺸﺘﯘﺭﺩﯨﻤﯘ، ﺑﯩﻠﻤﯩﺪﯨﻢ. ﺑﯘ ﺩﯦﻬﻘﺎﻥ ﻳﯩﮕﯩﺘﻠﻪﺭ ﻣﻪﻧﺪﯨﻦ ﺑﯩﺮ-ﺋﯩﻜﻜﻰ ﻳﺎﺵ ﻛﯩﭽﯩﻚ ﺑﻮﻟﯘﺷﯩﻐﺎ ﻗﺎﺭﯨﻤﺎﻱ ﻣﻪﻧﺪﯨﻦ ﭼﻮﯓ ﻛﯚﺭﯛﻧﻪﺗﺘﻰ، ﻣﺎﻧﺎ ﺷﯘ ﻗﺎﯞﯗﻝ ﺗﻪﻧﻠﻪﺭﺩﯨﻜﻰ ﺟﺎﻥ ﻗﯩﻨﯩﻐﺎ ﭘﺎﺗﻤﯩﻐﺎﻧﺪﺍ ﯬﻗﯩﻞ ﯪﻟﻐﯘﭺ ﻫﺎﺭﺍﻗﻼﺭ ﯰﻻﺭﻧﯩﯔ ﺭﻭﻫﯩﻨﻰ ﻛﯚﭘﯜﻛﺘﻪﻙ ﻟﻪﻳﻠﯩﺘﯩﭗ، ﺑﯘﻗﺴﺎﭖ ﺗﯘﺭﻏﺎﻥ ﻛﯜﭼﯩﻨﻰ ﺧﻮﺭﯨﺘﯩﭗ ﯞﻩﻳﺮﺍﻥ ﻗﯩﻠﯩﭗ ﺑﺎﺭﺍﺗﺘﻰ. ﺧﻮﺗﯘﻧﻠﯩﺮﻯ ﯰﻻﺭﻏﺎ ﻫﻪﻣﺪﻩﻡ ﺑﻮﻻﺗﺘﻰ، ﺷﯘﻧﺪﺍﻕ ﻗﯩﻠﻤﯩﺴﺎ ﻛﯚﺭﮔﯜﻟﯜﻛﯩﻨﻰ ﻛﯚﺭﻩﺗﺘﻰ. ﻗﺎﻟﻐﺎﻥ ﺋﯩﻜﻜﻰ ﻳﯩﮕﯩﺘﺘﯩﻦ ﺑﯩﺮﻯ ﺩﯗﺗﺘﺎﺭ ﺋﯩﺰﺩﻩﭖ ﻣﺎﯕﺪﻯ. ﺗﻮﺧﺘﻰ ﺧﻮﺗﯘﻧﯩﻐﺎ ﺑﯩﺮ ﻧﻪﺭﺳﯩﻠﻪﺭﻧﻰ ﺑﯘﻳﺮﯗﺗﺘﻰ. ﻳﻪﻧﻪ ﺑﯩﺮ ﭼﻮﻛﺎﻧﻘﯩﺰ ﺋﯧﺮﯨﮕﻪ: ﻣﻪﺳﺖ ﺑﻮﻟﯘﭖ ﻗﺎﻟﻤﯩﻐﺎﻧﺴﯩﺰ… ﺭﯗﺱ ﯮﻟﺘﯘﺭﯗﯓ… ﺩﻩﭖ ﺑﯩﺮﻧﻪﺭﺳﯩﻠﻪﺭﻧﻰ ﺩﻩﻳﺘﺘﻰ… ﺋﯧﺮﻯ ﻳﺎﻧﭽﯘﻗﯩﺪﯨﻦ ﻣﻮﺧﯘﺭﻛﺎ ﯪﺧﺘﯘﺭﯗﯞﺍﺗﺎﺗﺘﻰ.
ﻗﺎﺭﺍﻗﯘﻣﭽﺎﻕ ﻗﯩﺰ ﻣﻪﻥ ﮔﻪﭖ ﻗﯩﻠﻤﯩﻐﺎﻧﺪﯨﻦ ﻛﯧﻴﯩﻦ ﺋﯩﭽﻰ ﺳﯩﻘﯩﻠﯩﭗ ﯪﺧﯩﺮﻯ ﯲﺯﻯ ﺋﯧﻐﯩﺰ ﯪﭼﺘﻰ:
__ ﯪﻟﺪﯨﯖﯩﺰﺩﺍ ﺳﻪﺗﻠﯩﺸﯩﭗ ﺗﺎﻧﺴﺎ ﯮﻳﻨﺎﭖ ﻛﻪﺗﺘﯘﻕ، ﺯﺍﯕﻠﯩﻖ ﻗﯩﻠﻤﯩﻐﺎﻧﺴﯩﺰ-ﻫﻪ…
__ ﻳﺎﻗﻪﻱ، ﻣﻪﻧﺪﯨﻦ ﻳﺎﺧﺸﻰ ﯮﻳﻨﺎﻳﺪﯨﻜﻪﻧﺴﯩﻠﻪﺭ، ﻣﻪﻧﻤﯘ ﯪﻧﭽﻪ ﯮﻳﻨﺎﭖ ﻛﻪﺗﻤﻪﻳﻤﻪﻥ.
__ ﻣﻪﻛﺘﯩﭙﯩﯖﻼﺭﺩﺍ ﺗﺎﻧﺴﯩﺨﺎﻧﺎ ﺑﺎﺭﺩﯗﺭ ﻫﻪﻗﯩﭽﺎﻥ..
__ ﺑﺎﺭ، ﯪﻧﭽﻪ ﻛﯩﺮﻣﻪﻳﻤﻪﻥ.
__ ﻫﻪﻱ، ﻣﻪﻧﻤﯘ ﺗﻮﻟﯘﻕ ﯮﺗﺘﯘﺭﯨﻨﻰ ﭘﯜﺗﺘﯜﺭﮔﯩﭽﻪ ﯮﻗﯘﻳﺎﻟﯩﻐﺎﻥ ﺑﻮﻟﺴﺎﻡ….
__ ﻧﯧﻤﯩﺸﻘﺎ ﯮﻗﯘﻳﺎﻟﻤﯩﺪﯨﯖﯩﺰ؟
__ ﺑﯘﻧﻰ ﺳﻮﺭﺍﺵ ﻛﯧﺘﻪﻣﺪﯗ، ﻫﻪﻣﻤﯩﺴﻰ ﺷﯘ ﭘﯘﻝ ﻳﻮﻗﻨﯩﯔ ﺋﯩﺸﻰ…
__ ﺑﻮﭘﺘﯘ، ﺳﺎﯞﺍﺩﯨﯖﯩﺰ ﺑﻮﻟﻐﺎﻧﺪﯨﻜﯩﻦ ﯲﺯﻟﯜﻛﯩﺪﯨﻦ ﯲﮔﻪﻧﺴﯩﯖﯩﺰﻣﯘ ﺑﻮﻟﯩﺪﯗ.. ﺩﺍﺷﯚﺩﯨﻤﯘ ﺷﯘ ﯲﮔﯩﻨﯩﺸﺘﯩﻦ ﺑﺎﺷﻘﺎ ﺋﯩﺶ ﻳﻮﻕ..
__ ﺷﺎﺭﺍﺋﯩﺖ ﻛﯧﺮﻩﻙ، ﺷﺎﺭﺍﺋﯩﺖ.. ﻗﻮﺭﺳﺎﻗﻨﯩﯔ ﻏﯧﻤﻰ ﺗﯜﮔﯩﻤﻪﻳﯟﺍﺗﺴﺎ ﻧﯧﻤﯩﻨﻰ ﯲﮔﯩﻨﯩﺴﯩﺰ… ﻣﻪﻥ ﺗﻮﻟﯘﻗﺴﯩﺰﻧﻰ ﭘﯜﺗﺘﯜﺭﯛﭘﻼ ﯮﭼﺎﻕ-ﻗﺎﺯﺍﻥ ﺩﺍﺷﯚﺳﯩﮕﻪ ﺑﯩﺮ ﻛﯩﺮﯨﭗ ﻛﻪﺗﺘﯩﻤﯘ، ﻫﺎﺯﯨﺮﻏﯩﭽﻪ ﻗﻮﻟﯘﻡ ﺑﯩﻜﺎﺭ ﯬﻣﻪﺱ، ﻫﺎﻟﯩﻢ ﻣﯘﺷﯘ.. ﯪﺗﺎ-ﯪﻧﺎﻡ… ﺋﯧﺮﯨﻤﻨﻰ ﺩﻩﭘﻼ ﯲﺗﯩﻤﻪﻥ. ﺑﻮﻟﻤﯩﺴﺎ ﻣﯧﻨﯩﯖﻤﯘ ﯬﺳﻠﯩﺪﻩ ﻧﻰ-ﻧﻰ ﯪﺭﻣﺎﻧﻠﯩﺮﯨﻢ ﺑﺎﺭ ﺋﯩﺪﻯ. ﻫﺎﺯﯨﺮﻗﻰ ﯪﺭﻣﯩﻨﯩﻢ ﭘﻪﻗﻪﺕ ﺋﯧﺮﯨﻤﻨﻰ ﯮﺑﺪﺍﻥ ﻛﯜﺗﯜﺵ، ﺗﺎﻣﺎﻗﻨﻰ ﯮﺧﺸﯩﺘﯩﭗ ﯸﺘﯩﺶ، ﺑﺎﻻﻡ ﺑﻮﻟﺴﺎ ﯰﻧﻰ ﻳﺎﺧﺸﻰ ﺑﯧﻘﯩﺶ..
__ ﯬﻣﻪﻟﯩﻴﻪﺗﺘﻪ ﻫﻪﺳﺮﻩﺗﻠﯩﻨﯩﭗ ﻛﻪﺗﻜﯜﺩﻩﻙ ﺋﯩﺶ ﻳﻮﻕ.. ﻣﯘﺷﯘ ﺗﯘﺭﻣﯘﺷﻨﯩﯖﻤﯘ ﯲﺯﯨﮕﻪ ﻳﺎﺭﯨﺸﺎ ﺧﻮﺷﻠﯘﻗﻰ ﺑﺎﺭ. ﻗﯩﺰﻻﺭ ﻣﯩﯔ ﯮﻗﯘﭖ ﻛﻪﺗﺴﯩﻤﯘ ﯪﺧﯩﺮﻯ ﺑﯧﺮﯨﭗ ﯬﺭﮔﻪ ﺗﯧﮕﯩﺪﯗ، ﺗﺎﻣﺎﻕ ﯸﺘﯩﺪﯗ، ﻗﺎﭼﺎ ﻳﯘﻳﯩﺪﯗ، ﺑﺎﻻ ﺑﺎﻗﯩﺪﯗ. ﻗﯩﺴﻘﯩﺴﻰ، ﯪﺕ ﯪﻳﻠﯩﻨﯩﭗ ﯮﻗﯘﺭﯨﻨﻰ ﺗﺎﭘﯩﺪﯗ…
__ ﺳﯩﺰﻧﻰ ﺧﯧﻠﻰ ﺋﯩﻠﻤﯩﻲ ﺑﺎﻻ ﺩﻩﭖ ﻳﯜﺭﺳﻪﻡ، ﺋﯧﺮﯨﻤﺪﻩﻛﻼ ﮔﻪﭖ ﻗﯩﻠﺪﯨﯖﯩﺰﻏﯘ؟! ﻣﻪﺳﺖ ﺑﻮﻟﯘﭖ ﻗﺎﻟﻤﯩﻐﺎﻧﺴﯩﺰ-ﻫﻪ!
__ ﻳﺎﻕ، ﻣﻪﻥ ﺳﺎﻕ، ﺩﯦﻤﻪﻛﭽﯩﻤﻪﻧﻜﻰ، ﺳﯩﺰ ﻫﻪﯞﻩﺳﻠﻪﻧﮕﻪﻥ ﻧﻪﺭﺳﯩﻨﯩﯔ ﯪﺭﻗﯩﺴﯩﺪﺍ ﺳﯩﺰ ﯮﻳﻼﭖ ﻳﯧﺘﻪﻟﻤﯩﮕﻪﻥ ﺩﻩﺭﺕ-ﯬﻟﻪﻡ ﺑﺎﺭ…
__ ﻣﻪﻳﻠﻰ ﯬﻣﻪﺳﻤﯘ، ﯪﺩﻩﻡ ﯪﺳﺎﺳﻠﯩﻖ ﯪﺭﺯﯗﻏﺎ ﻳﻪﺗﺴﻪ ﻗﺎﻟﻐﺎﻥ ﺩﻩﺭﺕ-ﯬﻟﻪﻡ ﺩﯦﮕﻪﻥ ﯲﺗﯜﭖ ﻛﯧﺘﯩﺪﯗ…
__ ﯪﺳﺎﺳﻠﯩﻖ ﯪﺭﺯﯗﻳﯩﯖﯩﺰ ﻧﯧﻤﻪ ﺳﯩﺰﻧﯩﯔ؟
__ ﻛﺎﻟﻼﻣﻨﻰ ﺋﯧﭽﯩﺶ
__ ﺳﯩﺰ ﯪﺩﻩﺗﺘﻪ ﻛﯩﺘﺎﺏ ﺩﯦﮕﻪﻧﺪﻩﻙ ﺑﯩﺮ ﻧﻪﺭﺳﯩﻠﻪﺭﻧﻰ ﻛﯚﺭﻩﻣﺴﯩﺰ؟
__ ﺗﺎﭘﺎﻟﯩﺴﺎﻡ ﯮﻗﯘﻳﻤﻪﻥ، ﺑﺎﺯﺍﺭﻟﯩﻖ ﺑﯩﺮ ﺩﻭﺳﺘﯘﻡ ﺑﺎﺭ، ﻛﯩﺘﺎﺑﻘﺎ ﯪﻣﺮﺍﻕ. ﻣﺎﯕﺎ ﯪﺭﯨﻴﻪﺗﻜﻪ ﺑﯧﺮﯨﭗ ﺗﯘﺭﯨﺪﯗ… ﯬﻣﻤﺎ ﺑﯩﺮ ﻛﯩﺘﺎﺑﻨﻰ ﯮﻗﯘﭖ ﺗﯜﮔﻪﺗﻜﯩﭽﻪ ﺑﯩﺮ-ﺋﯩﻜﻜﻰ ﯪﻱ ﻛﯧﺘﯩﺪﯗ.. ﺋﯩﺶ ﺟﯩﻖ، ﻛﯩﺘﺎﺏ ﯮﻗﯘﭖ ﯮﻟﺘﯘﺭﻏﯩﻨﯩﻤﻨﻰ ﻛﯚﺭﺳﻪ ﻗﯧﻴﻨﺎﭘﺎﻡ، ﺋﯧﺮﯨﻢ… ﺋﯩﺸﻘﯩﻠﯩﭗ ﻫﻪﺭ ﻛﯩﻢ ﯲﺯﯨﭽﯩﻼ ﺧﺎﭘﺎ ﺑﻮﻟﯘﭖ ﻛﯧﺘﯩﺪﯗ.. ﯮﻏﯘﺭﻟﯩﻘﭽﻪ ﯮﻗﯘﻳﻤﻪﻥ…
ﺑﯩﺮ ﺩﻩﻡ ﭘﺎﺭﺍﯕﻠﯩﺸﯩﭗ ﺑﻮﻟﻐﯩﭽﻪ ﻣﯘﺯﯨﻜﺎ ﺗﯜﮔﻪﭖ ﻗﺎﻟﺪﻯ.. ﺳﻮﺭﯗﻥ ﭘﻪﺳﻜﻮﻳﻐﺎ ﭼﯜﺷﯜﭖ ﻗﺎﻟﻐﺎﻧﯩﺪﻯ، ﺗﻮﺧﺘﻰ ﺑﯩﻠﻪﻥ ﺧﻮﺗﯘﻧﻰ ﺑﯩﺮ ﺋﯩﺸﻼﺭ ﺑﯩﻠﻪﻥ ﯪﻟﺪﯨﺮﺍﺵ، ﻳﻪﻧﻪ ﺑﯩﺮ ﯬﺭ-ﺧﻮﺗﯘﻥ ﺑﯘﻟﯘﯕﺪﺍ ﯲﺯﯨﻨﯩﯔ ﯲﻱ ﺋﯩﺸﻠﯩﺮﯨﻨﻰ ﻛﯧﯖﯩﺸﯩﭗ ﯮﻟﺘﯘﺭﺍﺗﺘﻰ…
__ ﺧﺎﻟﯩﺴﯩﯖﯩﺰ ﻳﻪﻧﻪ ﺑﯩﺮ ﻗﻮﻝ ﯮﻳﻨﺎﻳﻠﻰ، ﮔﯧﭙﯩﻢ ﺗﯧﺨﻰ ﺗﯜﮔﯩﻤﯩﺪﻯ،– ﺩﯦﺪﯨﻢ.
__ ﻣﺎﻗﯘﻝ، ﻣﯧﻨﯩﯖﻤﯘ ﺳﯩﺰﺩﯨﻦ ﺳﻮﺭﺍﻳﺪﯨﻐﺎﻥ ﮔﯧﭙﯩﻢ ﺑﺎﺭ.
ﺋﯩﻜﻜﯩﻤﯩﺰ ﺑﯩﺮ-ﺑﯩﺮﯨﻤﯩﺰﮔﻪ ﻗﺎﺭﺍﭖ ﻛﯜﻟﯜﻣﺴﯩﺮﻩﭖ ﻗﻮﻝ ﺗﯘﺗﯩﺸﯩﭗ ﻛﻪﺗﺘﯘﻕ. ﻫﺎﺭﺍﻗﻨﯩﯔ ﻛﯜﭼﯩﺪﯨﻦ ﺑﻮﻟﺴﺎ ﻛﯧﺮﻩﻙ، ﻗﯧﻨﯩﻤﺪﺍ ﺟﯘﺵ ﯰﺭﯗﭖ ﺋﯧﻘﯩﭗ ﻗﺎﻳﻨﺎﭖ ﻳﯜﺭﮔﻪﻥ ﺷﻪﻳﺘﺎﻧﻠﯩﺮﯨﻤﻨﯩﯔ ﭼﯘﻗﺎﻧﻰ، ﻫﺎﻳﺎﺟﺎﻧﻰ ﻣﯧﻨﻰ ﻫﻪ ﺩﯦﺴﯩﻼ ﯪﻟﺪﯨﻐﺎ__ ﻗﯩﺰﻧﯩﯔ ﻗﻮﻳﻨﯩﻐﺎ ﺋﯩﺘﺘﯩﺮﯨﭗ ﺗﯘﺭﺍﺗﺘﻰ، ﯬﻗﻠﯩﻢ، ﻧﻮﻣﯘﺱ ﻛﯜﭼﯜﻡ ﯪﺭﻗﯩﻐﺎ ﺗﯩﺮﻩﺟﻪﻳﺘﺘﻰ.
__ ﻣﯧﻨﯩﯖﭽﻪ ﺳﯩﺰ ﻣﯘﺷﯘ ﺗﯘﺭﻣﯘﺷﺘﯩﻤﯘ ﺑﻪﺧﺘﯩﯖﯩﺰﻧﻰ ﺗﺎﭘﺎﻟﯩﻐﯘﺩﻩﻛﺴﯩﺰ. ﭼﯜﻧﻜﻰ ﺳﯩﺰﺩﻩ ﺑﺎﺷﻘﺎ ﻗﯩﺰﻻﺭﻏﺎ ﺑﯩﺮ ﯪﺯ ﯮﺧﺸﯩﻤﺎﻳﺪﯨﻐﺎﻥ ﻛﺎﻟﻼ ﺑﺎﺭ ﺋﯩﻜﻪﻥ.
ﻗﯩﺰ ﺩﯦﮕﻪﻥ ﮔﯧﭙﯩﻢ ﯰﻧﯩﯖﻐﺎ ﺑﯚﻟﻪﻛﭽﻪ ﮔﯜﺯﻩﻝ ﺗﯘﻳﻐﯘ ﯪﺗﺎ ﻗﯩﻠﺴﺎ ﻛﯧﺮﻩﻙ، ﺭﯗﺧﺴﺎﺭﻯ ﺑﯩﺮﺩﯨﻨﻼ ﮔﯜﺯﻩﻟﻠﯩﺸﯩﭗ ﻛﻪﺗﺘﻰ.
__ ﯬﻣﻤﺎ ﺑﯩﺮ ﻧﻪﺭﺳﯩﻨﻰ ﺑﯩﻠﮕﻪﻧﭽﻪ ﺑﯘ ﺗﯘﺭﻣﯘﺵ ﻛﯚﺯﯛﻣﮕﻪ ﭘﻪﻗﻪﺕ ﺳﯩﻐﻤﺎﻱ ﻛﯧﺘﯩﯟﺍﺗﯩﺪﯗ… ﯰﻗﻤﺎﻳﻤﻪﻥ، ﺑﯩﺮ ﻛﯜﻧﻰ ﺋﯧﺮﯨﻤﻐﺎ ﯪﺳﯩﻴﻠﯩﻖ ﻗﯩﻠﯩﭗ ﺳﺎﻟﯩﺪﯨﻐﺎﻧﺪﻩﻙ، ﺑﯩﺮ ﻳﻪﺭﮔﻪ ﻗﯧﭽﯩﭗ ﻛﯧﺘﯩﺪﯨﻐﺎﻧﺪﻩﻛﻼ ﻗﯩﻠﯩﻤﻪﻥ، ﺗﻮﯞﺍ ﺩﻩﭖ ﻗﺎﻟﯩﻤﻪﻥ، ﺧﻮﺗﯘﻥ ﻛﯩﺸﯩﻨﯩﯔ ﺷﻪﻳﺘﯩﻨﻰ ﻛﯜﭼﻠﯜﻙ ﺩﻩﭖ ﻛﯩﻢ ﺩﯦﮕﻪﻥ ﺑﻮﻟﻐﯩﻴﺘﯩﻜﯩﻦ… ﺑﻪﺯﯨﺪﻩ ﺭﺍﺳﺖ ﺩﻩﭖ ﯮﻳﻼﭖ ﻗﺎﻟﯩﻤﻪﻥ…
ﺑﯩﺮ ﻟﻪﻫﺰﻩ ﺷﯜﻙ ﺗﯘﺭﯗﭖ ﻗﺎﻟﺪﯨﻢ. ﺷﻪﻫﻪﺭﻟﻪﺭﮔﻪ ﺋﯧﻘﯩﯟﺍﺗﻘﺎﻥ ﻳﯧﺰﺍ ﻗﯩﺰﻟﯩﺮﻯ، ﭼﻮﻛﺎﻧﻘﯩﺰﻟﯩﺮﻯ… ﭘﺎﻛﯩﺰ ﺗﺎﻏﺪﯨﻦ ﺋﯧﻘﯩﭗ ﭼﯜﺷﯜﭖ ﺑﺎﺭﻏﺎﻧﭽﻪ ﻣﻪﻳﻨﻪﺕ ﺋﯧﻘﯩﻨﻼﺭﻏﺎ ﻗﻮﺷﯘﻟﯘﭖ ﯪﺧﯩﺮﻯ ﻳﯘﻧﺪﺍ ﻫﺎﯞﺯﻟﯩﺮﯨﻐﺎ ﻗﯘﻳﯘﻟﯩﺪﯨﻐﺎﻥ ﺳﯘﻻﺭ… ﻧﯩﯔ ﻣﻪﻧﺒﻪﺳﯩﻨﻰ ﺑﺎﻳﻘﯩﻐﺎﻧﺪﻩﻙ ﺑﻮﻟﺪﯗﻡ..
__ ﯲﺯﯨﻨﻰ ﺗﻮﻧﯘﻏﺎﻥ ﻳﺎﺧﺸﻰ ﺋﯩﺶ.. ﺑﯩﺮﺍﻕ، ﺳﯩﺰﮔﻪ ﻧﻪﺳﯩﻬﻪﺕ، ﺳﯩﺰ ﺑﯩﻠﮕﻪﻥ ﻧﻪﺭﺳﯩﻠﻪﺭ ﺳﯩﺰﻧﻰ ﺋﯧﺰﯨﻘﺘﯘﺭﯗﭖ ﺗﺎﺷﻠﯩﻤﯩﺴﯘﻥ… ﺑﯩﺮ ﯪﺯ ﻗﺎﻧﺎﯬﺗﭽﺎﻥ، ﺑﯩﺮ ﯪﺯ ﺋﯩﺘﺎﯬﺗﭽﺎﻥ، ﺑﯩﺮ ﯪﺯ ﯬﻗﯩﻠﻠﯩﻖ ﺑﻮﻟﯘﯓ… ﯬﻗﯩﻠﻠﯩﻖ ﯪﻳﺎﻝ ﻧﯧﻤﯩﻨﯩﯔ ﯲﺯﯨﮕﻪ ﯬﯓ ﻣﯘﻫﯩﻢ ﺋﯩﻜﻪﻧﻠﯩﻜﯩﻨﻰ ﺑﯩﻠﯩﺪﯗ. ﺑﯩﻠﮕﻪﻥ ﻧﻪﺭﺳﯩﺴﻰ ﺗﻮﻏﺮﺍ ﺑﻮﻟﯘﭖ ﭼﯩﻘﯩﺪﯗ..ﯰﻧﯩﯖﺪﯨﻦ ﺑﻪﺧﺘﯩﻨﻰ ﯪﺳﺎﺳﻪﻥ ﺗﺎﭘﯩﺪﯗ.. ﺑﻪﺧﺖ ﺩﯦﮕﻪﻥ ﻧﯧﻤﻪ؟ ﻣﻪﺳﯩﻠﻪﻥ، ﯲﺯﻩﻣﻨﻰ ﯪﻟﺴﺎﻡ، ﺗﻮﻱ ﻛﯧﭽﯩﺴﻰ ﻣﻪﻥ ﯴﭼﯜﻥ ﺑﻪﺧﺖ.. ﺗﻮﻳﺪﯨﻦ ﻛﯧﻴﯩﻨﻜﻰ ﻫﻪﺭ ﺑﯩﺮ ﻛﯧﭽﯩﻨﻰ ﺗﻮﻱ ﻛﯧﭽﯩﺴﯩﺪﯨﻜﯩﺪﻩﻙ ﻫﺎﻳﺎﺟﺎﻥ، ﻗﯩﺰﯨﻘﯩﺶ ﺋﯩﭽﯩﺪﻩ ﯲﺗﻜﯜﺯﯛﺵ ﺑﻪﺧﺖ، ﺗﻮﻳﺪﯨﻦ ﯪﯞﯞﺍﻝ ﻳﯜﺭﮔﻪﻥ ﺑﻮﻟﺴﺎﻕ، ﺗﻮﻳﺪﯨﻦ ﻛﯧﻴﯩﻨﻤﯘ ﺷﯘﻧﺪﺍﻕ ﻳﯜﺭﯛﺵ ﺑﻪﺧﺖ… ﺧﻮﺗﯘﻧﯘﻣﻨﯩﯔ ﺑﯩﺮ ﺑﺎﻟﯩﻨﻰ ﻣﻪﻳﻠﻰ ﻗﯩﺰ، ﻣﻪﻳﻠﻰ ﯮﻏﯘﻝ ﺑﻮﻟﺴﯘﻥ، ﺑﻪﺵ ﯬﺯﺍﻳﻰ ﺳﺎﻕ ﺗﯘﻏﯘﭖ ﺑﯧﺮﯨﺸﻰ ﭼﻮﯓ ﺑﻪﺧﺖ…ﻫﻪﺭ ﺑﯩﺮ ﻛﯜﻧﻨﻰ ﺗﻮﻱ ﻛﯜﻧﯩﺪﯨﻜﺪﻩﻙ ﺟﺎﻧﻠﯩﻖ، ﻧﺎﯞﺍﻟﯩﻖ ﯲﺗﻜﯜﺯﯛﺵ ﺑﻪﺧﺖ.. ﺋﯩﺸﻘﯩﻠﯩﭗ، ﺑﯘ ﺑﻪﺧﺘﻨﻰ ﻳﺎﺭﯨﺘﯩﻤﻪﻧﻼ ﺩﻩﻳﺪﯨﻜﻪﻧﻤﯩﺰ، ﯰ ﻛﯚﺯ ﯪﻟﺪﯨﻤﯩﺰﺩﯨﻼ… ﯬﯓ ﯪﺩﺩﯨﻴﺴﻰ، ﻳﻮﺷﯘﺭﻣﺎﻳﻤﻪﻧﻜﻰ، ﺑﯜﮔﯜﻧﻜﻰ ﻣﯘﺷﯘ ﺳﻮﺭﯗﻧﺪﺍ ﺳﯩﺰ ﺑﯩﻠﻪﻥ ﺗﻮﻧﯘﺷﯘﭖ ﯪﺭﻗﯩﺪﯨﻦ ﺗﺎﻧﺴﺎ ﯮﻳﻨﯩﺸﯩﻤﻤﯘ ﺑﻪﺧﺖ… ﺑﻪﺧﺖ ﻣﺎﻧﺎ ﻣﯘﺷﯘﻧﺪﺍﻕ ﯪﺩﺩﯨﻲ ﻧﻪﺭﺳﻪ.. ﯰ ﺳﯩﺰﻧﯩﯔ ﻫﻪﺭ ﺑﯩﺮ ﻫﺎﻳﺎﺗﻠﯩﻖ ﻗﻪﺩﻩﻣﻠﯩﺮﯨﯖﯩﺰﺩﯨﻜﻰ ﺗﯘﻳﻐﯘﻟﯩﺮﯨﯖﯩﺰﻏﺎ ﻣﯘﺟﻪﺳﺴﻪﻡ ﺑﻮﻟﻐﺎﻥ..
ﻫﺎﻳﺎﺟﺎﻧﻠﯩﻨﯩﭗ، ﺷﺎﺋﯩﺮﺍﻧﻪ ﺗﻪﭘﻪﻛﻜﯘﺭ ﺑﯩﻠﻪﻥ ﺑﯩﺮ ﻧﻪﺭﺳﯩﻠﻪﺭﻧﻰ ﺩﻩﭖ ﻛﻪﺗﺘﯩﻢ، ﯪﺩﻩﺗﺘﻪ، ﻣﯘﻣﻜﯩﻦ ﯬﻣﻪﺱ، ﺑﯘﻧﺪﺍﻕ ﺯﻭﻕ-ﺷﻮﺥ ﺑﯩﻠﻪﻥ، ﺭﻩﺕ-ﺭﯦﺘﻰ ﺑﯩﻠﻪﻥ ﺳﯚﺯﻟﯩﻴﻪﻟﻤﻪﻳﺘﺘﯩﻢ. ﺑﯘ ﻫﺎﺭﺍﻗﻨﯩﯔ ﻛﯜﭼﻰ ﯬﻣﻪﺱ، ﻗﺎﺭﺍﻗﯘﻣﭽﺎﻕ ﻗﯩﺰﻧﯩﯔ ﺑﻪﺩﯨﻨﻰ ﯪﺗﺎ ﻗﯩﻠﻐﺎﻥ ﺋﯩﻠﻬﺎﻡ.
__ ﮔﯧﭙﯩﯖﯩﺰﮔﻪ ﻗﻮﺷﯘﻟﯩﻤﻪﻥ. ﯬﻣﻤﺎ ﻫﻪﺭ ﻛﯜﻧﻰ ﺗﻪﻛﺮﺍﺭ ﺋﯩﺶ ﻗﯩﻠﯩﯟﻩﺭﺳﯩﯖﯩﺰ ﺯﯦﺮﯨﻜﻤﻪﻣﺴﯩﺰ؟ ﺳﯩﺰﻏﯘ ﭼﻮﯓ ﺷﻪﻫﻪﺭ ﻛﯚﺭﮔﻪﻥ.. ﺑﯩﺰﭼﯘ؟ ﻗﯘﺩﯗﻕ ﺋﯩﭽﯩﺪﯨﻜﻰ ﭘﺎﻗﺎ.. ﺧﯘﺷﺎﻝ ﺑﻮﻟﯘﺵ ﯴﭼﯜﻥ ﯴﭼﯜﻥ ﻳﯧﯖﻰ-ﻳﯧﯖﻰ ﺋﯩﺸﻼﺭ، ﺑﺎﺷﻨﻰ ﯪﻏﺮﯨﺘﻤﺎﻳﺪﯨﻐﺎﻥ ﺑﯩﺮ ﺋﯩﺸﻼﺭ ﭼﯩﻘﯩﺸﻰ ﻻﺯﯨﻢ. ﺑﯩﺰﻧﯩﯔ ﯬﻫﯟﺍﻟﯩﻤﯩﺰﻧﻰ ﺳﯩﺰ ﻣﻪﯕﮕﯜ ﭼﯜﺷﯩﻨﯩﭗ ﺑﻮﻻﻟﻤﺎﻳﺴﯩﺰ. ﺑﯩﺰ ﺑﯘ ﯴﭺ ﯬﺭ-ﺧﻮﺗﯘﻥ ﯪﻳﺪﺍ ﺑﯩﺮ ﻣﯘﺷﯘﻧﺪﺍﻕ ﯮﻟﺘﯘﺭﯨﻤﯩﺰ… ﻫﻪﻣﻤﯩﻤﯩﺰﻧﯩﯔ ﺩﻩﺭﺩﻯ ﻳﯧﺘﯩﭗ ﯪﺷﻘﯩﭽﻪ… ﺳﯩﺰﮔﻪ ﯮﭼﯘﻗﯩﻨﻰ ﺩﯦﺴﻪﻡ، ﺑﯩﺰ ﺑﯩﺮ-ﺑﯩﺮﯨﻤﯩﺰﻧﻰ ﺑﯩﻠﯩﺸﯩﻤﯩﺰ.. ﻫﻪﺗﺘﺎ ﺧﯘﭘﯩﻴﺎﻧﻪ ﻳﯜﺭﯛﺷﻜﻪﻥ. ﻛﯩﻢ ﺑﯩﻠﻪﻥ ﻛﯩﻤﻨﯩﯔ ﻳﯜﺭﮔﻪﻧﻠﯩﻜﯩﻨﻰ، ﺗﻮﻱ ﻗﯩﻠﯩﺸﻘﺎ ﭘﯜﺗﯜﺷﻜﻪﻧﻠﯩﻜﯩﻨﻰ ﺳﯩﺰﮔﻪ ﺩﯦﻤﻪﻳﻤﻪﻥ. ﺋﯩﺸﻘﯩﻠﯩﭗ، ﻫﻪﻣﻤﯩﻤﯩﺰ ﻣﯘﺷﯘ ﺳﻮﺭﯗﻧﺪﺍ ﺑﺎﺭ.. ﻳﻪﻧﻪ ﺩﯦﺴﻪﻡ ﻳﻪﻧﻪ ﺷﯘ، ﺑﯩﺰﻧﯩﯔ ﯲﻳﺪﯨﻜﻰ ﺧﯩﻴﺎﻟﯩﻤﯩﺰ ﺗﺎﻻﻏﺎ ﺗﻮﻏﺮﺍ ﻛﻪﻟﻤﯩﺪﻯ، ﺗﻮﻱ ﺑﺎﺷﻘﺎ-ﺑﺎﺷﻘﺎ ﺑﻮﻟﯘﭖ ﻛﻪﺗﺘﻰ. ﻧﯧﻤﯩﺸﻘﺎ ﺩﻩﻣﺴﯩﺰ؟ ﺑﯘ ﺩﯦﮕﻪﻥ ﻳﯧﺰﺍ، ﺳﻪﻫﺮﺍﻳﻰ ﻗﯩﻴﺎﻣﻪﺕ… ﺑﯩﺮ ﻗﯩﺰﻧﯩﯔ ﺧﯩﻴﺎﻟﻰ ﯲﺯﯨﻨﯩﯔ ﺭﺍﻳﯩﭽﻪ ﺋﯩﺸﻘﺎ ﯪﺷﯩﺪﯨﻐﺎﻥ ﻳﻪﺭ ﯬﻣﻪﺱ ﺑﯘ… ﯴﭼﯩﻠﯩﻤﯩﺰﻧﯩﯔ ﯪﺭﺯﯗﺳﻰ ﺑﯩﺮﻯ ﻗﯧﺮﯨﺸﻘﺎﻧﺪﻩﻛﻼ ﯞﻩﻳﺮﺍﻥ ﺑﻮﻟﺪﻯ… ﻛﯩﻢ ﻗﯧﺮﯨﺸﯩﺪﯗ؟ ﯪﺗﺎ-ﯪﻧﯩﺪﯨﻦ ﯪﻏﺮﯨﻨﯩﺸﻨﯩﯔ ﯮﺭﻧﻰ ﻳﻮﻕ..
ﺷﯘﻧﯩﯔ ﺑﯩﻠﻪﻥ، ﺟﺎﭘﺎﻟﯩﻖ ﺋﯩﺸﺘﯩﻦ ﻗﯘﺗﯘﻟﺴﺎﻕ، ﺑﯩﺮﯪﻱ ﺑﯩﺮﺳﯩﻤﯩﺰﻧﯩﯔ ﯲﻳﯩﺪﻩ ﻣﯘﺷﯘﻧﺪﺍﻕ ﺳﻮﺭﯗﻥ ﻗﯘﺭﯗﭖ ﯮﻟﺘﯘﺭﯨﻤﯩﺰ. ﺑﯩﺮ ﯪﻳﻤﯘ ﺩﻩﭖ ﻛﻪﺗﺘﯩﻢ، ﺑﻪﺯﯨﺪﻩ ﯰ ﺋﯩﺶ ، ﺑﯘ ﺋﯩﺶ ﭼﯩﻘﯩﭗ، ﻧﻪﭼﭽﻪ ﯪﻳﻼﭖ ﺑﯩﺮﮔﻪ ﯮﻟﺘﯘﺭﺍﻟﻤﺎﻳﻤﯘ ﻗﺎﻟﯩﻤﯩﺰ.. ﯮﻟﺘﯘﺭﻣﯩﻐﯩﻠﻰ ﺧﯧﻠﻰ ﯰﺯﯗﻥ ﺑﻮﻟﻐﺎﻥ، ﺳﯩﺰﻧﯩﯔ ﺑﺎﻫﺎﻧﯩﯖﯩﺰﺩﻩ ﺑﯜﮔﯜﻥ ﯮﺑﺪﺍﻥ ﯮﻟﺘﯘﺭﯗﯞﺍﻟﺪﯗﻕ. ﯬﺗﻪ ﻳﻪﻧﻪ ﭼﺎﭘﯩﻘﯩﻤﯩﺰﻧﻰ ﯪﺩﺍﻻﭖ ﺋﯩﺸﻘﺎ ﻛﯩﺮﯨﺸﭗ ﻛﯧﺘﯩﻤﯩﺰ. ﻣﻪﻥ ﻗﺎﺯﺍﻥ ﺑﯧﺸﯩﻐﺎ، ﯰ ﻳﻪﺭﺩﯨﻦ ﻗﻮﻟﯘﻡ ﺑﯩﻜﺎﺭ ﺑﻮﻟﺴﺎ ﺋﯧﺘﯩﺰﻏﺎ؛ ﺋﯧﺮﯨﻢ ﯰ ﻫﺎﺷﺎﺭ، ﺑﯘ ﻫﺎﺷﺎﺭﻏﺎ… ﺷﻪﻧﺒﻪ، ﻳﻪﻛﺸﻪﻧﺒﻪ ﺩﯦﻤﻪﻱ ﺋﯧﺸﻪﻛﺘﻪﻙ ﺋﯩﺸﻠﯩﮕﯩﻨﻰ ﺋﯩﺸﻠﯩﮕﻪﻥ… ﺑﯜﮔﯜﻧﻤﯘ ﻫﯧﺮﯨﭗ ﻛﻪﭘﺘﯩﻜﻪﻥ، ﺳﻮﺭﯗﻧﻐﺎ ﺗﺎﺯﺍ ﺭﺍﻳﻰ ﻳﻮﻕ، ﻟﯧﻜﯩﻦ ﺋﯩﭽﯩﺪﯨﻐﺎﻧﻨﯩﯔ ﮔﯧﭙﯩﻨﻰ ﯪﯕﻠﯩﺴﺎ ﺋﯩﺘﺘﯩﻚ ﻛﯧﻠﯩﺪﯗ.. ﺑﯩﺮﻩﺭ ﺭﻭﻣﻜﺎ ﻗﯧﻘﯩﯟﺍﻟﺴﺎ ﺧﻮﺵ ﺑﻮﻟﯘﭖ ﺋﯧﭽﯩﻠﯩﭗ ﻗﺎﻟﯩﺪﯗ.. ﺑﯩﻠﯩﻤﯩﺰ، ﺑﯘﻧﺪﺍﻕ ﻗﯩﻠﯩﺶ ﮔﯘﻧﺎﻫ.. ﭼﻮﯕﻼﺭ ﯰﻗﻤﺎﻳﺪﯗ، ﯰﻗﯘﭖ ﻗﺎﻟﺴﯩﻤﯘ ﺑﯘﺭﯗﻧﻘﯩﺪﻩﻙ ﯲﻳﺪﯨﻦ ﻫﻪﻳﺪﻩﭖ ﭼﯩﻘﯩﺮﺍﻟﻤﺎﻳﺪﯗ.. ﭼﯜﻧﻜﻰ ﻣﻪﻫﻪﻟﻠﯩﻤﯩﺰﺩﻩ ﻳﯘﻗﯩﺮﯨﺪﯨﻦ ﻛﻪﻟﮕﻪﻥ ﺧﯩﺰﻣﻪﺕ ﮔﯘﺭﯗﭘﭙﯩﺴﻰ ﺑﺎﺭ.
__ ﺩﯦﻤﻪﻙ، ﺳﯩﻠﻪﺭ ﯲﺯ ﯪﺭﺯﯗﻳﯘﯕﻼﺭﺩﯨﻜﯩﺪﻩﻙ ﺗﻮﻱ ﻗﯩﻼﻟﻤﯩﻐﺎﻥ ﺑﯩﻠﻪﻥ ﻳﻪﻧﯩﻼ ﺑﯩﻠﻠﻪ ﯮﻟﺘﯘﺭﺍﻻﻳﺪﯨﻜﻪﻧﺴﯩﻠﻪﺭ… ﺩﯦﻤﻪﻙ، ﻳﻪﻧﯩﻼ ﺑﻪﺧﺘﻠﯩﻚ ﺋﯩﻜﻪﻧﺴﯩﻠﻪﺭ… ﮔﻪﺭﭼﻪ ﺑﯘ ﺑﻪﺧﺖ ﯪﻧﺪﺍ-ﺳﺎﻧﺪﺍ ﻧﯧﺴﯩﭗ ﺑﻮﻟﻐﺎﻥ ﺑﻮﻟﺴﯩﻤﯘ…
__ ﯬﻣﻤﺎ ﯬﻧﺴﯩﺮﻩﻳﻤﯩﺰ.. ﻗﺎﺗﺘﯩﻖ ﯬﻧﺴﯩﺮﻩﻳﻤﯩﺰ. ﺑﻮﻟﯘﭘﻤﯘ ﯬﺭﻟﯩﺮﯨﻤﯩﺰ ﻫﺎﺭﺍﻕ ﺋﯩﭽﯩﯟﺍﻟﺴﺎ ﯬﺳﻠﻰ ﻣﻪﻥ ﻣﯘﻧﺪﺍﻕ ﯪﺩﻩﻡ ﺩﻩﭖ ﺗﯘﻣﯩﻘﯩﻨﻰ ﺗﻪﺗﯜﺭ ﻛﯩﻴﯩﭙﻼ ﭼﯩﻘﯩﺪﯗ… ﻳﺎﺧﺸﻰ ﻳﯧﺮﻯ، ﯬﺗﯩﺴﻰ ﻳﻪﻧﻪ ﻳﺎﺭﯨﺸﯩﭗ ﻗﺎﻟﯩﺪﯗ. ﺑﯩﺰ ﯴﭺ ﻗﯩﺰ ﻣﻪﺳﻠﯩﻬﻪﺗﻠﯩﺸﯩﭗ، ﻫﻪﺭ ﻗﺎﻧﺪﺍﻕ ﺋﯩﺸﺘﺎ ﭼﻪﻛﺘﯩﻦ ﯪﺷﯘﺭﻣﺎﺳﻠﯩﻘﻨﻰ ﻛﯧﻠﯩﺸﯩﭗ ﻗﻮﻳﺪﯗﻕ. ﻳﺎﺷﻠﯩﻘﺘﺎ ﺑﯘ ﺋﯩﺸﻼﺭ ﺑﯩﺮ ﻣﻪﺯﮔﯩﻞ ﻳﺎﺭﯨﺸﯩﺪﯗ، ﯰﻧﺪﯨﻦ ﻛﯧﻴﯩﻦ ﺑﺎﻟﯩﻠﯩﻖ ﺑﻮﻟﯩﻤﯩﺰ، ﻗﯧﺮﯨﻴﻤﯩﺰ، ﺳﻮﻟﯩﺸﯩﻤﯩﺰ. ﺑﯩﺰﻧﯩﯔ ﺗﻪﻗﺪﯨﺮﯨﻤﯩﺰ ﻣﺎﻧﺎ ﺷﯘ…—- ﻗﺎﺭﺍﻡ ﻗﯘﻣﭽﺎﻕ ﻗﯩﺰﻧﯩﯔ ﻛﯚﺯﻟﯩﺮﯨﺪﻩ ﺑﯩﺮ ﺗﺎﻣﭽﻪ ﻳﺎﺵ ﻏﯩﻞ-ﭘﺎﻝ ﻛﯚﺭﯛﻧﯜﭖ ﻗﺎﻟﺪﻯ، ﯬﻣﻤﺎ ﺋﯧﻘﯩﭗ ﭼﯜﺷﻤﯩﺪﻯ، ﺋﯩﭽﯩﮕﻪ ﺳﯩﯖﯩﭗ ﻛﻪﺗﺘﻰ…
ﺗﺎﻧﺴﺎ ﯪﺧﯩﺮﻻﺷﺘﻰ.. ﺗﻮﺧﺘﻰ ﻗﺎﺭﺍﭖ ﺗﯘﺭﺍﺗﺘﻰ. ﻫﻪﻣﻤﻪ ﻧﻪﺭﺳﻪ ﯬﺳﻠﯩﮕﻪ ﻳﺎﻧﺪﻯ. ﺑﻪﺩﻩﻧﻨﻰ ﻗﯩﺰﺯﯨﺘﯩﭗ ﺗﯘﺭﻏﺎﻥ ﻫﺎﺭﺍﻗﻼﺭﻣﯘ ﯪﺳﺘﺎ-ﯪﺳﺘﺎ ﺳﻮﯞﯗﺷﻘﺎ ﺑﺎﺷﻠﯩﺪﻯ. ﻣﯧﻨﻰ ﯰﻳﻘﺎ ﺑﺎﺳﺘﻰ.
__ ﯞﯗﻳﺖ ﻗﻮﭘﺎﯕﻼ ﯬﻣﺪﻯ، ﯰﺧﻼﯞﯦﺮﯨﺪﯨﻜﻪﻥ…__ ﺑﺎﻳﺎﺗﯩﻦ ﺑﯧﺮﻯ ﮔﻪﭖ ﻗﯩﻠﯩﭗ ﯮﻟﺘﯘﺭﯗﭖ ﺋﯧﺮﯨﻨﻰ ﯰﺧﻠﯩﺘﯩﭗ ﻗﻮﻳﻐﺎﻥ ﭼﻮﻛﺎﻥ ﺋﯧﺮﯨﻨﯩﯔ ﻗﯘﻻﻕ ﺗﯜﯞﯨﮕﻪ ﺑﻮﺵ ﺗﻮﯞﻟﯩﺪﻯ.
ﻗﺎﺭﺍ ﻗﯘﻣﭽﺎﻕ ﻗﯩﺰﻣﯘ ﺋﯧﺮﯨﻨﻰ ﯮﻳﻐﺎﺗﺘﻰ: ﻗﻮﭘﯘﯓ، ﯲﻳﯩﻤﯩﺰﻧﻰ ﺗﺎﭘﺎﻳﻠﻰ…
ﺑﯘ ﺑﯩﺮ ﺋﯧﻐﯩﺰ ﻳﯧﻘﯩﻤﻠﯩﻖ ﮔﻪﭖ ﺗﻮﻣﯘﺭ-ﺗﻮﻣﯘﺭﻟﯩﺮﯨﻤﻐﺎ ﺗﻮﻙ ﺯﻩﺭﻩﺗﻠﯩﺮﯨﺪﻩﻙ ﯲﺗﯜﭖ ﻛﻪﺗﺘﻰ، ﯞﯗﺟﯘﺩﯗﻣﻨﻰ ﺷﯩﺮﯨﻦ ﺗﯩﺘﺮﻩﻙ ﺑﺎﺳﺘﻰ. ﺷﯘ ﯪﺩﺍﺷﻨﯩﯔ ﯮﺭﻧﯩﺪﺍ ﻣﻪﻥ ﺑﻮﻟﯘﭖ ﻗﺎﻟﺴﺎﻣﭽﯘ، ﺩﯦﻬﻘﺎﻧﻠﯩﻘﯩﻨﻰ ﺩﺍﺷﯚﺳﯩﯖﻠﯩﻜﯩﻤﯩﮕﻪ ﺗﯧﮕﯩﺸﯩﯟﯦﺘﻪﺗﺘﯩﻢ.
___ ﻳﯧﺘﯩﭗ ﻗﺎﻟﺴﺎﯕﻼﺭﻣﯘ ﺑﻮﻻﺗﺘﻰ ﺑﯘ ﻛﯧﭽﯩﺪﻩ…__ ﺩﯦﺪﻯ ﺗﻮﺧﺘﻰ..
ﺷﯘﻧﺪﺍﻕ ﺑﻮﻟﺴﯩﭽﯘ، ﺩﻩﻳﺘﺘﯩﻢ ﺋﯩﭽﯩﻤﺪﻩ…
ﺑﻮﻟﺪﻯ، ﯪﺳﺘﺎ ﻛﯧﯩﯟﺍﻻﻳﻠﻰ، ﺳﯩﺰﻧﻰ ﺟﯩﻖ ﯪﯞﺍﺭﻩ ﻗﯩﻠﯩﯟﻩﺗﺘﯘﻕ…- ﺩﯦﻴﯩﺸﺘﻰ ﭼﻮﻛﺎﻧﻘﯩﺰﻻﺭ.
ﻣﻪﻥ ﻳﻪﻧﻪ ﺑﯩﺮ ﭼﻪﺗﺘﻪ ﻣﯘﯕﯩﻴﯩﭗ ﻗﺎﻟﺪﯨﻢ. ﺑﯘ ﻫﺎﻟﺪﺍ ﺗﯘﺭﻏﯩﭽﻪ ﺑﺎﻳﯩﻼ ﻣﻪﺳﺖ ﺑﻮﻟﯘﭖ ﻳﯧﺘﯩﭗ ﻗﺎﻟﺴﺎﻣﭽﯘ… ﺋﯩﭽﯩﻢ ﻧﯧﻤﯩﮕﯩﺪﯗﺭ ﺋﯧﭽﯩﺸﯩﭗ، ﺗﯩﺘﯩﻠﺪﺍﭖ ﺗﯘﺭﺍﺗﺘﻰ. ﻗﺎﺭﺍ ﻗﯘﻣﭽﺎﻕ ﻗﯩﺰ ﺑﻮﺳﯘﻏﯩﺪﯨﻦ ﯪﺗﻼﯞﯦﺘﯩﭗ ﺳﻪﻧﺘﯜﺭﯛﻟﯜﭖ ﻛﯧﺘﯩﯟﺍﺗﻘﺎﻥ ﺋﯧﺮﯨﻨﻰ ﭼﺎﻗﻘﺎﻧﻠﯩﻖ ﺑﯩﻠﻪﻥ ﻳﯚﻟﻪﭖ ﻣﺎﯕﺪﻯ.. ﯬﺭﻟﻪﺭ ﻣﻪﺳﺖ ﺑﻮﻟﯘﭖ ﻗﺎﻟﻐﺎﻧﺪﯨﻦ ﻛﯧﻴﯩﻦ ﺧﻮﺗﯘﻧﯩﻨﯩﯔ ﯲﺯﯨﻨﻰ ﻳﯚﻟﻪﭖ ﯲﻳﯩﮕﻪ ﯬﻛﯩﺘﯩﭗ ﻳﺎﺗﻘﯘﺯﯗﭖ ﻗﻮﻳﯘﺷﯩﻨﻰ ﻧﻪﻗﻪﺩﻩﺭ ﯪﺭﺯﯗ ﻗﯩﻠﯩﺸﯩﺪﯗ-ﻫﻪ، ﺑﯘﻣﯘ ﺑﯩﺮ ﺑﻪﺧﺘﻤﯩﺪﯗ؟ ﺷﯘﯕﯩﻤﯘ ﯰﻻﺭ ﺧﻮﺗﯘﻧﻠﯩﺮﯨﻨﯩﯔ ﺋﯩﭽﯩﺸﯩﻨﻰ ﻗﻮﻟﻼﭖ ﻛﻪﺗﻤﻪﻳﺪﯗ. ﺩﯦﻬﻘﺎﻥ ﻳﯩﮕﯩﺘﻠﻪﺭ ﻫﺎﺭﺍﻕ ﺋﯩﭽﻜﻪﻥ ﺧﻮﺗﯘﻧﻨﻰ ﺟﺎﻻﭖ ﺑﻮﻟﯘﭖ ﻛﯧﺘﯩﺪﯗ ﺩﻩﭖ ﯮﻳﻼﻳﺪﯗ.. ﯲﺯﻟﯩﺮﻯ ﻣﻪﺳﺖ ﺑﻮﻟﺴﯩﻤﯘ ﺧﻮﺗﯘﻧﻠﯩﺮﯨﻨﯩﯔ ﺳﺎﻕ، ﺋﯩﺸﻪﻧﭽﻠﯩﻚ ﺑﻮﻟﯘﺷﯩﻨﻰ ﺧﺎﻻﻳﺪﯗ… ﺑﯩﺮﺍﻕ ﻫﻪﻱ، ﻗﺎﯞﯗﻝ ﻳﯩﮕﯩﺘﻠﻪﺭ…
__ ﻗﻪﻳﺴﻪﺭﺟﺎﻥ ﺧﻮﺵ، ﻛﯚﺭﯛﺷﻪﻟﻤﻪﻱ ﻗﺎﻟﺴﺎﻕ ﯪﻣﺎﻥ ﺑﻮﻟﯘﯓ!
ﻗﺎﺭﺍﻗﯘﻣﭽﺎﻕ ﮔﯜﺯﻩﻝ ﻗﯩﺰﻧﯩﯔ ﯪﯞﺍﺯﻯ… ”ﻛﯩﻤﮕﻪ ﺩﻩﯞﺍﺗﯩﺴﻪﻥ؟!“ ﺩﻩﭖ ﮔﯜﻟﻪﻳﮕﻪﻥ، ﺑﯘ ﮔﻪﭘﺘﯩﻦ ﻣﻪﺳﺘﻠﯩﻜﯩﺪﯨﻦ ﻳﯧﺸﯩﻠﯩﭗ ﻛﯧﺘﯩﯟﺍﺗﻘﺎﻥ ﺋﯧﺮﻯ… ﺧﻮﺵ ﯬﻣﯩﺴﻪ.. ﯪﯞﺍﻳﻼﭖ ﻣﯧﯖﯩﯖﻼﺭ.. ﺩﻩﭖ ﺩﻩﺭﯞﺍﺯﯨﻨﻰ ﺗﺎﻗﺎﯞﺍﺗﻘﺎﻥ ﺗﻮﺧﺘﯩﻨﯩﯔ ﺗﺎﺭﺍﻕ-ﺗﯘﺭﯗﻕ ﺗﯩﯟﯨﺸﻠﯩﺮﻯ… ﻣﻪﻥ ﺗﻪﺭﻩﭘﻜﻪ ﺷﯩﭙﯩﺮﻻﭖ ﻣﯧﯖﯩﺸﻠﯩﺮﻯ.. ﺗﺎﻻﻏﺎ ﭼﯩﻘﺘﯩﻢ، ﺑﺎﻏﻘﺎ ﻛﯩﺮﺩﯨﻢ، ﻫﺎﺟﻪﺗﺨﺎﻧﯩﻐﺎ ﻛﯩﺮﯨﺸﺘﯩﻦ ﻗﻮﺭﻗﺘﯘﻡ..
ﺗﻮﺧﺘﯩﻨﯩﯔ ﺧﻮﺗﯘﻧﻰ ﻣﯧﻬﻤﺎﻧﺨﺎﻧﯩﻨﯩﯔ ﺑﯩﺮ ﺑﯘﻟﯘﯕﯩﻐﺎ ﯮﺭﯗﻥ ﺳﯧﻠﯩﭗ ﻗﻮﻳﯘﭘﺘﯩﻜﻪﻥ، ﺑﯘ ﺑﯘﻟﯘﯕﺪﺍ ﯪﺑﺎﻳﺎ ﻗﺎﺭﺍﻗﯘﻣﭽﺎﻕ ﻗﯩﺰ ﯮﻟﺘﯘﺭﻏﺎﻧﯩﺪﻯ. ﺑﻪﻟﻜﯩﻢ ﯰﻧﯩﯔ ﺋﯩﺴﺴﯩﻘﻰ ﻛﻪﺗﻤﯩﮕﻪﻧﯩﺪﻯ. ﯮﺭﯗﻧﻐﺎ ﻛﯩﺮﯨﭙﻼ ﻳﺎﺗﺘﯩﻢ. ﻛﺎﻟﻼﻣﺪﺍ ﻣﻪﺳﺖ ﻳﯩﮕﯩﺘﯩﻠﻪﺭ، ﯰﻻﺭﻧﻰ ﻳﯚﻟﻪﭖ ﺳﻪﻧﺪﯨﺮﻩﻛﻠﻪﭖ ﺋﯧﻠﯩﭗ ﻛﯧﯩﺘﯩﯟﺍﺗﻘﺎﻥ ﯪﻳﺎﻟﻠﯩﺮﻯ… ﺑﻪﻟﻜﯩﻢ ﻣﯧﻨﯩﯔ ﮔﻪﭘﻠﯩﺮﯨﻤﻨﻰ ﯮﻳﻼﭖ، ﻗﻪﻟﺒﻰ ﺗﯩﻨﯩﻢ ﺗﺎﭘﻤﺎﻱ ﺗﯩﺘﺮﻩﭖ، ﻳﯜﺭﯨﻜﻰ ﺟﯩﺪﺩﻳﯩﻠﯩﻜﺘﯩﻦ ﺳﻮﻗﯘﭖ ﻛﯧﯩﺘﯩﯟﺍﺗﻘﺎﻥ ﻗﺎﺭﺍ ﻗﯘﻣﭽﺎﻕ ﻗﯩﺰ… ﺑﯧﺸﯩﻤﻨﻰ ﻳﻮﺗﻘﺎﻧﻐﺎ ﭘﯜﺭﻛﯩﺪﯨﻢ، ﻛﯚﺯﻟﯩﺮﯨﻤﮕﻪ ﻳﯩﻐﺎ ﯮﻻﺷﺘﻰ…[/color]
(ﺗﯜﮔﯩﺪﻯ) 2005-ﻳﯩﻞ 8-ﯪﻳﻨﯩﯔ 18-ﻛﯜﻧﻰ